Երազանքները երբեմն կատարվում են։ Մենք առաջարկում ենք ծանոթանալ համաշխարհային ճանաչում ունեցող 5 աստղի, ովքեր ամուսնացել են իրենց իսկ երկրպագուների հետ՝ իրականացնելով նրանց վաղեմի երազանքը։ 

1. Մեթ Դեյմոն 

Դեյմոնն իր ապագա կնոջ՝ Լուչիանա Բարոզոյի հետ ծանոթացավ 2003թ.-ին։ Նա աշխատում էր բարերից մեկում ու պաշտում էր դերասանի բոլոր ֆիլմերը։ Զույգը մի քանի տարի հանդիպելուց հետո ընտանիք կազմեց ու իրենց երջանիկ ընտանեկան կյանքի ընթացքում հասցրեց ունենալ 3 երեխա։ 

Մեթը միշտ նշում է, որ ինքն աշխարհի ամենաերիտասարդ տղամարդն է, որովհետև սիրահարվել է ու կյանքը կապել հասարակ կնոջ հետ, ով ո՛չ դերասան է, ոչ էլ հայտնի դեմք։ 

2. Նիկոլաս Քեյջ 

Նիկոլաս Քեյջը ևս իր սիրելիին հանդիպեց հասարակ պայմաններում։ Ապագա կինը՝ Էլիս Կիմն ընդամենը 19-ամյա մատուցողի էր, երբ Նիկոլասը 2004թ.-ին նրան նկատեց ու աղջկա՝ իրենով խանդավառվածությունը ստիպեց հայտնի դերասանին տարվել նրանով։ Նրանք 11 տարի համատեղ կյանք վարեցին ու որդի ունեցան։ 

Ցավոք, 11 տարի համատեղ ապրելուց հետո գեղեցիկ զույգը բաժանվեց։ 

3. Պատրիկ Դեփսի

«Կրքի անատոմիա» հայտնի հեռուստասերիալի դերասանն իր կնոջը հանդիպեց հասարակ գեղեցկության սրահում, որտեղ Ջիլիան Ֆինկը ոչ միայն վարսահարդարմամբ էր զբաղվում, այլ նաև ղեկավարում էր վարսահարդարման սրահը։ Ֆինկն իր հարցազրույցներից մեկում նշում է, որ ինքն ուղղակի ցնցված էր ու չէր սպասում տեսնել հայտնի դերասանին իր գեղեցկության սրահում։  

Նրանք ամուսնացան 1999թ.-ին ու կազմեցին ամուր, սիրով լի ընտանիք։ 

4. Էլվիս Փրեսլի 

Փրեսլիի ընկերներից մեկը նկատեց գեղեցկուհի Պրիսցիլային ու առաջարկեց վերջինիս ծանոթանալ ռոքնռոլի արքայի հետ։ Պրիսցիլան նշում էր, որ չափազանց հուզված էր. նա ծանոթանալու էր իր կուռքերից մեկի հետ ու չգիտեր, թե ինչպես իրեն պահել։ Այդ ժամանակ Պրիսցիլան ընդամենը 14 տարեկան էր։ 

Զույգն ամուսնացավ, երբ գեղեցկուհու 21 տարին լրացավ։ Նրանք պաշտում էին իրար ու ապրում երջանիկ ընտանեկան կյանքով։ 

5. Ռիզ Ուիզերսփուն

Հայտնի դերասանուհին դերասանական գործակալություններից մեկում նկատեց գործակալության աշխատակցին՝ Ջիմ Տոտին, ով վաղուց հիացած էր աղջկա անասելի տաղանդով։ Որոշ ժամանակ շփվելուց, իրար ճանաչելուց հետո զույգն ամուսնացավ։ 

Ռիզը երբեք չի թաքցնում, որ երջանիկ է իր ամուսնու կողքին, իսկ Ջիմը միշտ նշում է, որ ինքն ամենաբախտավորն է աշխարհում։ 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել