Սիրելի երիտասարդներ ի Հայաստան,

Հայրենիքից հեռու, բայց հոգով ու սրտով ձեր հետ եղող միլիոնաւոր սփիւռքահայերի կողքին, նաեւ ես նուաստս հետեւում եմ ձեր անձնուէր եւ հայրենապահ պահանջներին։ Ուրախ եմ որ մեր երկրում գոյութիւն ունեն ձեր նման երիտասարդներ որ բարձր են պահում մեր ազգային դիմագիծը, մեզ սահմանող Հայի ազգային, հոգեւոր, մտաւոր եւ հասարակական արժէքների պահպանող եւ նախանձախնդիր ընթացքով։

Քրիստոս մեր Տէրը բնորոշեց հոգեւոր ազգին համ տուողներին, նրանց ասելով. «դուք էք երկրի աղը»։ Աղը երբ կորցնում է իր համը, ինչպէս որ ներկայում ձեր վերնախաւերում փորձում են ձեր վրայ փորձարկել, դառնում է անպիտան մի բան, որ ոչ մի բանի օգտակար է բացի փողոց նետուելուց ու ոտքի կոխան դառնալուց։ Իսկ ձեր լեզուի, պատմութեան, հաւատքի, արժէքների, հոգեւոր, մտաւոր, զինուորական պատրաստութեան համար, պաշտպան երիտասարդութիւնը փաստ է որ այս Հայրենիքը որբի գլուխ չէ, եւ փորձարկումների դաշտ չէ։

Ձեր հայրենանուէր ընթացքով դուք փաստում էք որ նոյն Տէրունեան խօսքերով՝ աշխարհում լոյս դառնալու համար, բաւ է որ մի մոմ իր լոյսը տայ, մտքերում համատարած խաւարը փարատելու համար եւ չարի ընթացքին հետեւող մարդկանց մէջ Աստուծոյ աւետարանը կեանքի կոչելու համար։

Ձեր արժանապատիւ ընթացքով ու քրիստոնէի համբերատարութեամբ, դուք ապացուցում էք որ ձեր կրթական ապագայի, ձեր գնահատականների հաշուին, ձեր աշխատանքի, ապահովութեան ի գին, պահակ ու դէտ էք ձեր երկրին, ու ձեր փորին համար պատրաստ չէք Հայրենիք, ընտանիք, արժէհամակարգ, պատիւ ծախելու։

Ձեր ազգային ու պատուական հայրենանուէր կեցուածքով դուք բարձր էք պահում Հայի անունը եւ կեանքը, Քրիստոսի մարմինն ու արիւնը ճաշակած արի երիտասարդութիւնը պատրաստ չէ ներկայ դարու անողնաշար, տզրուկ, բոշայ եւ համաշխարհայնացման (globalization) ուժերին ստրուկը դառնալու։

Ձեր փոքրաթիւ բայց ազդեցիկ խումբերը փաստ ու ապացոյց են որ Քրիստոսի միւռոնով օծեալ ճակատները, սրտերը, դէմքերը, ձեռքերը, կարող են Ո՛Չ ասել մեղքի բռնատիրութեան եւ ազգային ու հոգեւոր արժէքների դէմ մեղանչողների ու մեղանչական կեանքի տանողներին դէմ։ Դուք փաստում էք որ ձեր ընտանիքը ձեր հայրերն ու մայրերը արժանաւոր զաւակներ են հասցրել մեր ազգին։

Ձեր յառաջապահ եւ հրավառ հայրենասիրութեամբ դուք փաստացի ապրեցիք այն ճշմարտութիւնը թէ կեանքի մէջ ԱՉՔՈՎ կոյր լինելուց հազար անգամ աւելի վատ է ՄՏՔՈ՛Վ կոյր լինելը, որով, Յիսուս մեր Տէրը իր հրաշքներով բացաւ շատ կոյրերի աչքերը, բայց մարդեղացաւ բանալու կոյր աշխարհի մտքի աչքերը։

Ձեր պատմութեան նախնիների արժանաւոր յետնորդներդ, իրաւամբ եւ արժանաւորապէս եղաք պատնէշը հայրենապահութեան եւ փաստեցիք որ պատրաստ չէք սեղանի փշրանքներից օգտուող ու գոհացող, կոզմոպոլիտ, քաղքենի, եւ սրբութեանց համար անտարբեր տարր դառնալու։

Ու մանաւանդ ձեր «յետադիմութեամբ» դուք պատասխանեցիք բոլոր կեղծ «հաւասարութեան» վերեւի այն ձայներին, որ մենք որպէս ազգ Հայ ենք մնացել եւ գոյատեւել ենք, պի՛նդ ենք ու ամուր շնորհիւ Հայերէն մեր լեզուին, Հայց. Առաքելական Եկեղեցու դարաւոր ազգապահպանման, Հայոց պատմական հոգեւորական եւ աշխարհական դէմքերին եւ Հայ դպրագիտութեան լուսավառ կենդրոններին։ Իսկ այսօր ձեզնից գողանում են ձեր ինքնութիւնը, ձեր ազգութիւնը, ձեր արիութիւնը, ձեր տղամարդկութիւնը, ձեր պատմութիւնը, ձեր հաւատքը, ու սա կատարւում է կառավարութեան բացայայտ որոշումներով եւ գաղտնակալ համաձայնութիւններով, երբ հոգեւոր լինելը «յետամնացութիւն» է իսկ համասեռամոլ, դոպինգով երկիրդ խայտառակող ու արժէզրկող լինելը «հերոսութիւն», որի համար ֆիլմ է պատրաստում Կրթութեան եւ Գիտութեան «նախարարութիւնը»։ Հայոց Եկեղեցու պատմութիւնը «արհեստական ներմուծութիւն» որակողները եւ դպրոցներից ռազմագիտական ուսուցում հանողները։ Իսկ լեսբիների, գէյերի, տրանսգենդերների եւ բիսեքսուալների պղծասէր եւ լպիրշ քարոզչութիւնը յառաջդիմութիւն, որոնք գտնւում են երկրի առաջնորդի անմիջական հովանաւորութեան ներքոյ…։

Ես ուրախ եմ որ դուք բոլորդ ԻՄ ՆՄԱՆ «յետադիմական» էք։ Նոյն որակումով եւ տրամաբանութեամբ «յետադիմական ու խաւարամոլ» էին Կոմիտաս վարդապետը, Գարեգին Յովսէփեանցը, Խրիմեան Հայրիկը, Ներսէս Աշտարակեցին, Գրիգոր Տաթեւացին, Ներսէս Շնորհալին, Գրիգոր Նարեկացին, Ստեփանոս Սիւնեցին, Յովհան Օձնեցին, Յովհան Մանդակունին, Սահակ Պարթեւը, Մեսրոպ Մաշտոցը, եւ ազգիդ դարաւոր համայն նահատակները, զինուորականները, նուիրեալներն ու սուրբերը։ «Յետադիմական» էին նոյնիսկ առաքեալները, մարգարէները եւ Աստուծոյ միածինը՝ Յիսուս Քրիստոսը…։ «Յառաջադէմ» են այսօրուան գէյերը, լեսբիները, տրանսգենդերները, լպիրշակիրները, վաւաշոտամտերը, երեխայապիղծերը, այլասերուածները, գայթակղեցնողները, վիժուածքները եւ տականքները… ու մանաւանդ նրանց ՀՈՎԱՆԱՒՈՐՈՂՆԵՐԸ...։ Նաեւ պարապ ժամերին միայն ուտելիքի, փորի, փողի, շուայտանքի, զեղխութեան մասին մտածողները եւ շնչառական արագութեամբ ստախօսները որոնք նոր տներ, նոր հակափամփուշտ մեքենաներ, նոր օդանաւ, նոր զգեստ, նոր շուայտանք, նոր զեղխութիւն, նոր կեղծաւորութիւն են փնտռում ու երբ գիւղերում կան երեխաներ, ցուրտ ու ծակոտ տնակների մէջ, որոնք զգեստ ու վառելիք չունեն, ու դեռեւս կրծում են չորացած հացի մի կտորը…։ Եւ ուրիշ օրեր այդ չորացած հացն էլ չեն գտնում…։

Ամրապնդուէք, եւ իմացէք որ ամէն խաւարին յաջորդում է լոյսը, ՃՇՄԱՐՏԱԽՕ՛Ս լոյսը, ազգը չբաժանող, այլ հաւաքո՛ղ, միացնո՛ղ, բոլորին հայր ու սիրո՛ղ լոյսը, ազգային արժէքներին պահապա՛ն կանգնող, օտար ունակութիւնները, ազգաքանդ (Սորոս) կազմակերպութիւններին մերժո՛ղ եւ իր ազգը միասնական ու բա՛րձր պահող լոյսը։ Իմացէք որ ձե՛ր մէջ են մեր ազգի ապագայ ղեկավարները, որոնք իրաւա՛մբ ծառայելու են ՀԱՅԱՍՏԱՆԻ ՀԱՆՐԱՊԵՏՈՒԹԵԱՆը եւ ոչ թէ իրենց շուայտանքին, գրպանին եւ անունին…։

Իմացէք սիրելի երիտասարդներ որ ԴՈՒՔ էք տէրը ձեր երկրին։ Իսկ ձեր Տէրը՝ Աստուած թող օրհնի ձեզ, տայ երջանիկ ու կանաչ ապագայ, լի խնդութեամբ, բարութեամբ, սիրով, եւ հայրենաշինութեան անսպառ ոգիով եւ երեխաների բազմութեամբ եւ հայեցի դաստիարակութեամբ։

Օրհնուէք դուք բոլորդ։

Անապատի քահանան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել