Hraparak.am-ը գրում է.
Բարձրագույն դատական խորհրդում այսօր տեղի է ունեցել առաջին ատյանի ընդհանուր իրավասության դատարանի դատավոր Ռուբեն Ներսիսյանին կարգապահական պատասխանատվության ենթարկելու վերաբերյալ Արդարադատության նախարար Ռուստամ Բադասյանի միջնորդության քննությունը։ Սակայն նիստը հետաձգվել է՝ նախարարի ներկայացուցչի միջնորդությամբ․ նրանք պետք է ծանոթանային դատավոր Աշոտ Խաչիկյանին նկատողություն տալու ԲԴԽ-ի որոշմանը։
Նշենք, որ Աշոտ Խաչիկյանի գործով ԲԴԽ-ն այսօր որոշում էր կայացրել՝ հայտարարելով նկատողություն։ Նախարարությունը ցանկություն է հայտնել ծանոթանալ Խաչիկյանի վերաբերյալ որոշմանը, որովհետեւ այդտեղ կարող է լինել կարգապահական վարույթ հարուցելու ժամկետների հետ կապված մեկնաբանություն, որը կարող է բարելավել դատավորի վիճակը։
Մենք տեղեկացանք, որ դատավոր Ներսիսյանի դեմ կարգապահական վարույթ է հարուցվել քաղաքացիական գործով կայացված, դեռեւս հիմնավորված եւ պատճառաբանված չլինելու հիմնավորմամբ, ինչպես նաեւ դատավորի կողմից խախտվել են վճռի բովանդակությանը ներկայացվող պահանջները։
Դատավորը նիստին եւս ներկա է եղել, սակայն որեւէ բան չի ասել։ Հաջորդ նիստը տեղի կունենա նոյեմբերի 26-ին, ժամը 15։00-ին։