Վերջերս ամբողջ համացանցում մեծ իրարանցում է բարձրացրել« Մալեֆիսենտա» ֆիլմի կարճամետրաժ տեսանյութը, որտեղ Անջելինա Ջոլին գլխավոր դերակատարն է: Այս փոքրիկ տեսահոլովակում Ջոլին ցուցադրել է իր շքեղ առանձնատունը, որտեղ ապրում են իր բոլոր կենդանիներն ու երեխաները:
Այդ առանձնատունը գտնվում է Լոս Անջելոսում. այն ունի մեծ լողավազան և հիանալի տեսարան, որտեղ երեկոյան կարելի է հանգստանալ կամ լողալ՝ վայելելով համեղ կոկտեյլ: Սակայն դերասանուհին զվարճանքների ժամանակ չունի:
Տեսանյութում պարզ երևում է, թե ինչպես է շատ արագ գալիս տուն ու արագ պատրաստվում հեքիաթային ֆիլմի պրեմիերային: Երկրպագուներից շատերը նկատել են, թե որքան շատ կենդանի ունի դերասանուհին՝ սկսած նապաստակից, շներից, վերջացրած իգուանայով:
Պրեմիերային պատրաստվում էր ոչ միայն դերասանուհին, այլ նաև երեխաները, ովքեր հատուկ հագուստ էին կրում: Ջոլիին օգնել են ոճաբաններն ու դիմահարդարները, ովքեր միշտ աշխատել են նրա հետ: