-Ինչո՞ւ դերասանուհի, ի՞նչ է Ձեզ համարդերասանությունը:
-Դեռ տարիներ առաջ զգում էի՝ ներսիցս ինչ-որ բան ձգում է դեպի արվեստ, փոքրուց ինձ մոտ շատ լավ էր ստացվում մարդկանց համոզել այն ամենում, ինչ անում եմ: Հիմա փորձում եմ ավելի մասնագիտանալ ընտրածս մասնագիտության մեջ՝ առանց որի կյանքս չեմ պատկերացնում:
-Ձեզ գոհացնո՞ւմ է այն, ինչ Դուք անում եք՝ որպես դերասանուհի:
-Անկեղծ ասած, այդքան էլ չէ. ես ավելիին էի սպասում, սակայն ոչինչ միանգամից չի լինում, ինքս փորձում եմ շատ աշխատել ինձ վրա, որից էլ դրական արդյունքներ, իհարկե, նկատվում են:
-Մասնակցել եք մի շարք գեղեցկության մրցույթների, եղել հաղթող. ի՞նչ կասեք արտաքինտվյալներն ինչքանո՞վ են կարեւորվում հեռուստաընկերություն մուտք գործելու համար:
-Այո´, մասնակցել եմ, օրինակ՝ անցած տարի դարձա «Միսս աշակերտուհի» մրցույթի հաղթող, կարծում եմ՝ արտաքինը մեծ նշանակություն ունի, բայց միայն արտաքինով երբեք չես փայլի, եթե չունենաս համապատասխան կրթություն:
- Ձեր դեպքում գեղեցիկ արտաքինն ավելի շատ օգնե՞լ, թե՞ խանգարել է:
-Իմ դեպքում այն ինձ միայն օգնել է:
-Ըստ Ձեզ՝ ի՞նչ խոչընդոտների են հանդիպում հեռուստատեսությունում աշխատող անձիք,ինքներդ ի՞նչ խնդիրների եք հաճախ բախվել:
-Խոչընդոտներ, իհարկե, լինում են, բայց ինքս չեմ հանդիպել:
-Եթե մի օր այլեւս չլինեն սերիալները, որոնցում այժմ նկարահանվում եք, ինչո՞վ կզբաղվեք:
-Ստացել եմ գեղարվեստական ֆիլմում նկարահանվելու առաջարկ եւ պատրաստվում եմ նկարահանվել գլխավոր դերում, իսկ ուսումս ավարտելուց հետո շատ կուզեի աշխատել թատրոնում:
-Մի առիթով նշել եք՝ սիրում եք խաղալ չարաճճի եւ կենսուրախ կերպարներ, ինչո՞վ է դապայմանավորված, ինքներդ այդպիսի՞ն եք:
-Ինքս շատ հանգիստ բնավորություն ունեմ, բայց ինձ ձգում են ավելի կենսուրախ դերերը, որոնցում հնարավոր է լինում անընդհատ շարժման մեջ լինել, բացի այդ չարաճճի կերպարներն ավելի աչքի ընկնող են:
-Իսկ ի՞նչ եք կարծում, ի՞նչ կերպար կդժվարանաք խաղալ:
-Չեմ կարծում՝ կլինի այնպիսի դեր, որ չկարողանամ խաղալ:
-Եվա´, եթե Ձեր կողքին լինի տղամարդ, ով դեմ կլինի այն ամենին, ինչ Դուք հիմա անում եք,ինչպե՞ս կվարվեք:
-Չեմ ուզենա նման մարդու հանդիպել, ով դեմ կլինի իմ ընտրած մասնագիտությանը, իսկ եթե, այնուամենայնիվ, նման բան պատահի, հիմա դժվարանում եմ ասել՝ ինչպես կվարվեմ:
-Ունենալով գեղեցկ արտաքին՝ երեւի թե ունեք նաեւ բազում երկրպագուներ, իսկ պատահե՞լ է՝նրանք Ձեզ ուղղակի նյարդայնացնեն:
-Այո´, նման դեպքեր շատ են լինում, բայց կատակի տեսքով:
-Հնարավո՞ր է՝ նրանցից մեկին հաջողվի գրավել Ձեր սիրտը, թե՞ այն արդեն զբաղված է:
-Չեմ կարող ասել…(ծիծաղում է):
-Ի՞նչ կանեք հանուն իրական սիրո:
-Միշտ կսիրեմ եւ կերջանկացնեմ կողքիս մարդուն:
-Եթե կարողանայիք ինչ-որ բան աշխարհում փոխել, ի՞նչը կփոխեիք:
-Շատ կուզեի՝ մարդկանց միջից հանել նախանձը, դավաճանելու եւ ստելու ընդունակությունները:
