Պուերտոռիկացի հայտնի երգիչ Ռիկի Մարտինը և նրա հայկական արմատներով ամուսինը՝ Ջովան Յոսեֆը, սպասում են իրենց չորրորդ երեխայի լույս աշխարհ գալուն, գրում է Daily Mail-ը:
Այդ մասին փոփ երգիչը հայտարարել է Human Rights Campaign-ի շրջանակում կազմակերպված ընթրիքի ժամանակ: Երգչի խոսքով՝ ինքը շատ է սիրում իր երեխաներին ու ցանկանում է մեծ ընտանիք ունենալ, ուստի ամուսնու հետ որոշել են իրենց ընտանիքը համալրել ևս մի երեխայով:
Թե երբ լույս աշխարհ կգա երեխան, երգիչը չի հայտնել:
Ռիկի Մարտինն ու Ջովան Յոսեֆը դաստիարակում են 11-ամյա երկվորյակներ Մատեոյին և Վալենտինոյին և դստերը՝ Լուչիային: Բոլոր երեխաները ծնվել են փոխնակ մոր օգնությամբ:
Ռիկին և Ջովանը սկսել են հանդիպել 2016 թվականին և հենց նույն տարում էլ հայտարարել են իրենց նշանադրության մասին: Զույգն ամուսնացել է 2018 թվականին:
