Ձեզ ենք ներկայացնում որոշ հետաքրքիր փաստեր այն մարդու մասին, որը ստեղծել է առաջին համընդհանուր հասանելիության և հուսալի ավտոմեքենան, և, բազմաթիվ միլիոնների կարողություն վաստակելով, հավատարիմ է մնացել մեկ կնոջ։
Մանուկ հասակում Ֆորդը ծույլ երեխա էր և խուսափում էր աշխատանքից
Ընտանիքում Ֆորդին ծույլ էին համարում։ Հաճախ տղան խուսափում էր ագարակում աշխատելուց և միայն հետևում էր, թե ինչպես են աշխատում սարքավորումները։ Մանկուց նրան հետաքրքրում էր մեխանիկան. նա վստահ էր, որ մեքենաների միոցով հնարավոր է հեշտացնել ու բարելավել գյուղատնտեսական աշխատանքները։
Առաջին ավտոտնակը Ֆորդը պատահաբար է ստեղծել
Իր առաջին ավտոմեքենան Ֆորդը ստեղծել է իրենց վարձակալած տան նկուղում։ Եվ երբ մեքեան արդեն պատրաստ էր, պարզվեց, որ այն չի կարող անցնել նեղ դռան միջով։ Ֆորդը շատ մտահոգ էր ու հիասթափված սեփական անհեռատեսությունից։ Սակայն մի քիչ մտածելուց հետո նա վերցրեց կացինն ու դռան համար նախատեսված անցքից մի քանի աղյուս հանեց, ապա՝ մեքենայովկարողացավ հպարտ շրջել Դեթրոյթի փողոցներում։
Տուն գալով՝ նա անհապաղ կանչեց քարտաշներին, որպեսզի պատի մեջ անցք անեն։ Այդ ժամանակ եկավ տան սեփականատերը, և տեսնելով նկուղի կոտրված դուռը՝ բարկացավ։Սակայն իմանալով Ֆորդի «արկածների» մասին՝ առաջարկեց ոչ թե նոր անցք անել պատի մեջ, այլ դռան համար ի սկզբանե նախատեսված անցքը լայնացնել և բացվող դռներ տեղադրել։ Այդպես ստեղծվեց առաջին ավտոտնակը։
Նրան ատում էին այլ խոշոր բիզնեսմենները
Այն ընկերությունների սեփականատերերը, որոնք չէին կարողանում կամ չէին ցանկանում իրենց աշխատակիցների աշխատավարձերը բարձրացնել, Ֆորդին թշնամաբար էին վերաբերվում։ Այն ագրեսիան, որով նրանք ստիպված բարձրացնում էին աշխատավարձերը, սոցիալական թռուցիկում անվանվեց «ռումբ, որն արձակել է Հենրի Ֆորդը»։ General Motors-ը Ford Motor Company-ի օրինակով բարձրացրեց աշխատավարձերը, սակայն օրական $5-ը, միևնույն է, մեծ թիվ չէր։
Նա իսկապես գնահատում էր իր աշխատակիցներին
Ֆորդի աշխատակիցների մեջ շատ էին ներգաղթյալները, որոնք լավ չէին տիրապետում լեզվին և չէին կարողանում իրենց պաշտպանել։ Ֆորդը նրանց պաշտպանում էր վարպետների կամայականություններից, որոնք կարիերայի աստիճանի վրա ավելի բարձր էին կանգնած, և արգելում էր վերջիններիս առանց հիմնավոր պատճառի հեռացնել աշխատանքից ներգաղթյալ-աշխատակիցներին։
Ֆորդը «կնոջ կրունկի տակ էր»
«Իմ կյանքի կարևորագույն օրը իմ ու տիկին Ֆորդի ամուսնության օրն էր», - սիրում էր ընդգծել Հենրի Ֆորդը։ Կլարա Ֆորդը, ով, ինչպես և ամուսինը, գյուղական միջավայրից էր, կիսում էր Հենրիի հետաքրքրությունները, ներառյալ՝ պարերի, երաժշտության և բնության նկատմամբ սերը։ Եվ որ ամենակարևորն է, նա հավատում էր ամուսնուն ու աջացում նրա փորձերին, որոնց թերահավատորեն էին մոտենում մյուսները։
Սակայն այս կինը պողպատե բնավորություն ունէր։ Մի անգամ Ֆորդը գրեթե կործանում էր իր ընկերությունը՝ հակադարձելով արհմիություններին։ Նա վստահ էր, որ արհմիությունները ծառայում են միայն մի քանի առաջնորդների, իսկ մյուս աշխատողներին ավելի շատ վնաս, քան օգուտ են բերում։ Բանը հասավ գործադուլներին, և Կլարան ասաց ամուսնուն, որ կամուսնալուծվի, եթե Հենրին չընդունի պայմանագրում նշված պայմանները։ Եվ Ֆորդը ստիպված եղավ ընդունել իր պարտությունը։
Ընտանեկան կյանքում «կրունկի տակ գտնվող» Ֆորդի համար հեշտ չէր. Կլարան տարբերվում էր մյուսներից նրանով, որ չափազանց տնտեսող էր։ Նա կարծում էր, որ գուլպա գնելու կարիք չկա, քանի դեռ հնարավորություն կա հները կարկատելու և կրկին կրելու։ Ֆորդն ատում էր կարկատած իրեր, սակայն նոր գուլպաներ գնում էր միայն կնոջից գաղտնի։
