Հեռուստամեկնաբան Արմեն Դուլյանը աշխատանքի է անցել ԲՀԿ առաջնորդ Գագիկ Ծառուկյանին պատկանող Կենտրոն հեռուստաընկերությունում:
Դուլյանը վարելու է նոր հեղինակային հաղորդում, որ եթեր է հեռարձակվելու աշխատանքային օրերին:
Հաղորդումն, Asekose.am-իտեղեկություններով, լինելու է լրատվական-վերլուծական բնույթի:
Հիշեցնենք, որ Արմեն Դուլյանին Շանթ հեռուստաընկերությունից ազատել էին աշխատանքից` ֆեյսբուքյան գրառման պատճառով:
Asekose.am-ի հետ զրույցում Արմեն Դուլյանը նշել էր, համենայն դեպս, իրեն այդպես է ասել Շանթ հեռուստաընկերության լրատվական ծառայության ղեկավարը` նշելով, որ իր ֆեյսբուքյան գրառմամբ հեռուստամեկնաբանը վիրավորել է Շանթ հեռուստաընկերության ղեկավարությանը:
Ավելի ուշ ներկայացվեց նաև «Շանթ»-ի հայտարարությունն՝ Արմեն Դուլյանին աշխատանքից հեռացնելու մասին:
Կենտրոն հեռուստաընկերությունն այս ընթացքում Արմեն Դուլյանին` Պետրոս Ղազարյանի Ուրվագիծ հաղորդաշարի ընթացքում, հնարավորություն էր տվել հանդես գալ պարզաբանմամբ ու ներկայացնել ստեղծված վիճակի պատճառները:
