Hraparak.am֊ը գրում է․
Գագիկ Ծառուկյանի կառուցած Սուրբ Հովհաննես Մկրտիչ եկեղեցում, այսօր ՝ սեպտեմբերի 7-ին, կայացավ Ծառուկյանի դստեր՝ Անահիտ Ծառուկյանի և գործարար Խաչատուր Սուքիասյանի որդու՝ Ալբերտ Սուքիասյանի պսակադրությունը։
Ծառուկյանն ու Սուքիասյանը արարողության ողջ ընթացքում գրեթե չբաժանվեցին միմյանցից։
Հարսի և փեսայի համար եկեղեցում շքեղ միջանցք էր կառուցվել։
Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսն անձամբ էր ուղարձ հղել նորապսակներին և նրանց ընտանիքներին։ Այն ընթերցվեց եկեղեցում պսակադրության ժամանակ։
«Սիրելի Սուքիասյան և Ծառուկյան ընտանիքներ, ուրախությամբ տեղեկացա ձեր սիրասուն զավակների պսակադրության լուրի մասին»,- ասվում էր կաթողիկոսի ուղերձում։ Մեծի տան Կիլիկիո Արամ Առաջին կաթողիկոսը ևս շնորհավորական ուղերձ էր հղել, որը կրկին ընթերցվեց եղեկեցում։ Շքեղ ավտոմեքենաների մի ամբողջ «կալոնա» հազիվ էր տեղավորվել եկեղեցու բակում։
