Tert.am-ը գրում է.
11։37
Ակնկալում եմ, որ ՍԴ դատավորները կիրականացնեն արդարադատություն ու չեն ենթարկվի ճնշումներին, որոնք առկա են վերջին ամիսներին: Այս մասին Tert.am-ի հետ զրույցում ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը:
«Ճնշումներ եղան սկսած երկրի առաջին դեմքի, վերջացրած դատավորներից մեկի կողմից»,-ասաց Լևոն Քոչարյանը:
Նշենք, որ Սահմանադրական դատարանն այսօր քննելու է «Ռոբերտ Քոչարյանի դիմումի հիման վրա՝ Հայաստանի Հանրապետության քրեական դատավարության օրենսգրքի 135-րդ հոդվածի 2-րդ մասի և 35-րդ հոդվածի՝ Սահմանադրությանը համապատասխանության հարցը որոշելու վերաբերյալ» հարցը:
Միաժամանակ, նախքան դիմումի քննությունը, բողոքի տարբեր ակցիաներ են ընթանում Սահմանադրական դատարանի դիմաց:
11։30
Ռոբերտ Քոչարյանի գործը քաղաքական ու պետական կարևոր հարց է, և բոլորն էլ հասկանում են, որ գործի իրավական մասը ձևական բնույթ է կրում. մենք գործ ունենք քաղաքական պատվերի և քաղաքական ուղղորդման հետ: ՍԴ-ի դիմաց լրագրողների հետ զրույցում ասաց տնտեսագետ Անդրանիկ Թևանյանը:
«Հայաստանի նորանկախ պատմության մեջ սա բացառիկ է, երբ գործը կապված է նախագահի հետ և բացառիկ դեպք է նաև այն, որ գործադիր իշխանությունը ցանկանում է ամեն կերպ ճնշում գործադրել ՍԴ-ի վրա: Այնպես որ, այստեղ քաղաքական զուգահեռ գործընթացներ կան, որոնք նաև իրավական փաթեթավորում են ստացել»,-ասաց Թևանյանը:
Ամբողջական հոդվածը կարող եք կարդալ այստեղ
