Միացյալ Նահանգների բժիշկները սննդի պլաստմասսայե տարաների օգտագործումը, հատկապես դրանցով միկրոալիքային վառարանում սնունդ տաքացնելը վտանգավոր են համարում: Այդ մասին հայտնում է The Sun- ը:
Միկրոալիքային վառարանում սննդամթերք տաքացնելը արագ է և հեշտ, բայց շատ վտանգավոր է մարդու օրգանիզմի համար: Ըստ մասնագետների, անհրաժեշտ է հաշվի առնել, որ պլաստիկ տարաները հաճախ պատրաստվում են բիսֆենոլ կոչվող քիմիական նյութերից, որոնք օրգանզմում կարող են էստրոգենների դեր խաղալ՝ փոխելով սեռահասունության ժամանակը, նպաստել մարմնի ճարպերի կուտակմանը և այլն:
Բժիշկները զգուշացրել են ծնողներին՝ իրենց երեխաներին արհեստական գունանյութերով սնունդ չտալ: Որոշ ուսումնասիրություններ ցույց են տվել, որ զգալի թվով երեխաներ, ովքեր հրաժարվել են այս սննդակարգից, ADHD- ի ավելի քիչ ախտանիշներ ունեն: Բժիշկները մտահոգություն են հայտնում, որ անյուղաթափանց թղթից և ստվարաթղթից պատրաստված փաթեթավորումը հաճախ պարունակում է պերֆտորալկիլ, որը, եթե մեծ քանակությամբ օրգանիզմ թափանցի, կարող է նվազեցնել պտղաբերությունը, մկանների առաձգականությունը, ոսկրերի ամրությունը, խոչընդոտել ուղեղի զարգացումը։
