Operativ.am-ը գրում է․
Մայրական սերն ազդում է երեխայի վարքի ու մտքի ձևավորման վրա։ Որքան շատ ենք սիրում երեխային, այնքան ավելի մեծ ուղեղ կունենա նա:
Կալիֆորնիայի համալսարանի հոգեբուժության պրոֆեսոր Ալան Շորը պնդում է, որ երեխայի ուղեղի աճը կախված է մոր և երեխայի դրական փոխազդեցությունից, գրում է The Healthy Arche- ն:
Առաջին երկու տարիները երեխայի ուղեղի զարգացման համար ամենակարևոր շրջանն են, քանի որ այս ժամանակահատվածում է ձևավորվում դրա բջիջների 80% -ը:
Եթե հղիության երրորդ եռամսյակի սկզբից մինչև կյանքի 24-րդ ամիսը երեխայի ու մոր միջև գոյություն է ունենում դրական փոխազդեցություն, երեխայի ուղեղը բառացիորեն կրկնապատկվում է:
Մեր գեների կոդավորման հնարավորությունը կախված է հորմոններից, որոնք արտադրվում են երեխայի և մոր միջև ձևավորված հարաբերությունների շնորհիվ:
Էնդորֆինն արտադրվում է դրական հույզերի ժամանակ, ուստի՝ մայրական սերը երեխայի առաջին երկու տարվա ընթացքում երանգ է հաղորդում նրա հետագա կյանքի ողջ ընթացքին:
Ուսումնասիրություններ են անցկացվել 6 տարեկանից բարձր 127 երեխաների շրջանում: Երեխաների ուղեղի աճին հետևող գիտնականները եկել են եզրակացության, որ մայրական սերը նպաստում է երեխայի ուղեղի կրկնակի աճին: