Shantnews.am-ը գրում է.
Վրաստանի արտգործնախարար Դավիթ Զալկանիանին վրացական «Իմեդի» հեռուստաալիքի եթերում ողջունել է ՌԴ նախագահ Վլադիմիր Պուտինի՝ Վրաստանի նկատմամբ պատժամիջոցներ չսահմանելու մասին որոշումը:
«ՌԴ նախագահի որոշումը միակ և ճիշտ որոշումն է, որը կարելի է միայն ողջունել»,- ասել է նա:
Այսպես, դիվանագետը նշել է, որ տեղի ընդդիմադիր գործիչների հակառուսական հայտարարությունները, որ դարձել են իրավիճակի սրացման պատճառ, «կտրականապես անընդունելի են եղել»:
«Վրացական իշխանությունները դրանք դատապարտել են»,- ընդգծել է Զալկալիանին:
Ավելի վաղ հայտնել էինք, որ Պուտինը դեմ է Վրաստանի նկատմամբ պատժամիջոցներ սահմանելուն:
«Ես դա չէի անի՝ վրացի ժողովրդի նկատմամբ հարգանքից ելնելով»,- ասել է Պուտինը։
Նյութի աղբյուր՝ https://www.shantnews.am/news/view/424391.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել