Tert.am-ը գրում է.
Այսօրվանից ուժի մեջ է մտնում Ռուսաստանի Դաշնության նախագահ Վլադիմիր Պուտինի հրամանագիրը, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Մոսկվայից Թբիլիսի վերջին ուղիղ չվերթն իրականացվել է հուլիսի 7-ի երեկոյան, գրում է korrespondent.net-ը:
Երկու երկրների միջև ուղիղ ավիահաղորդակցության արգելքը վերաբերում է նաև վրացական ավիաընկերություններին:
Նախքան արգելքը, Ռուսաստանից Վրաստան էր թռչում «Աերոֆլոտ»-ը և նրա «Պոբեդա» դուստր ընկերությունը, ինչպես նաև «S7 Airlines»-ը, «Ուրալյան ավիաուղիներ»-ը, «Smartavia»-ն, «Red Wings»-ը և «UTair»-ը։
Ռուսաստան թռիչքներ են իրականացրել վրացական Georgian Airways և MyWay Airlines ավիաընկերությունները:
Հիշեցնենք, որ Թբիլիսիում հակառուսական բողոքի ակցիաների ֆոնին Ռուսաստանի Դաշնության նախագահ Վլադիմիր Պուտինը հրամանագիր էր ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության պահպանման նկատառումներով և գործելու է ժամանակավոր:
Ամբողջական հոդվածը կարող եք կարդալ այստեղ