Նախագահ Բակո Սահակյանը հուլիսի 2-ին ստորագրել է հրամանագիր, համաձայն որի՝ Վարդան Բալայանը նշանակվել է Արցախի Հանրապետության նախագահի ներկայացուցիչ՝ հատուկ հանձնարարությունների գծով:
Այս մասին տեղեկացնում է Արցախի հանրապետության նախագահի աշխատակազմը:
Կենսագրություն
Ծնվել է 1965թ. ապրիլի 24-ին Արցախի Մարտունիի շրջանի Աշան գյուղում:
Կրթություն
1990թ. ավարտել է Վանաձորի պետական մանկավարժական ինստիտուտը:
2003-2004թթ. սովորել է ՌԴ ԶՈՒ ԳՇ ռազմական ակադեմիայում:
Աշխատանքային գործունեություն
1984-1986թթ. ծառայել է ԽՍՀՄ ԶՈՒ-ում:
1992-2000թթ. ՊԲ տանկային դասակի, ապա` զորամասի, 2000-ից` զորամիավորման հրամանատար:
2000-2003թթ. գլխավորել է լեռնահրաձգային դիվիզիա:
Պարգևներ
2002թ.՝ ՊԲ գեներալ-մայոր:
1997թ. ԼՂՀ պաշտպանության նախարարի հրամանով ճանաչվել է առաջին կարգի հրամանատար:
Պարգևատրվել է ԼՂՀ «Մարտական խաչ» 2-րդ աստիճանի շքանշանով:
Պարգևատրվել է ՊՆ «Մարշալ Բաղրամյան-100» մեդալով:
Պարգևատրվել է ՊՆ «Գարեգին Նժդեհ» մեդալով:
