Հայաստանում կա ռեալ աշխատանքի, ստեղծելու, քարը քարի վրա դնելու կարիք։ Քաղաքական հարցերը պետք է քննարկեն ու դրա մասին խոսեն քաղաքական գործիչները, կուսակցությունները, իսկ հասարակության 95 և ավել տոկոսը պետք է զբաղվի իր առօրյա գործերով ու խնդիրներով։ Նորմալ չէ, երբ մեծամասնությունն ամեն օր քաղաքական հարցերի մեջ է։ Դա նշանակում է՝ ռեալ գործ անողները պակասում են։ Մեծամասնությունը պետք է զբաղվի քաղաքականությամբ ընտրությունների ժամանակ իր քվեարկությամբ։ Սա նորմալ է․ ով էլ գա իշխանության, ոչ հրաշագործ է լինելու, ոչ էլ ձեր փոխարեն ձեր երեխեքին է պահելու, ժամանակի անիմաստ կորուստ է չլինել քաղաքականության մեջ ու ժամանակը վատնել դրա վրա, գնացեք, լեզու սովորեք, կատարելագործվեք ու լավ աշխատանքի անցեք։ Արդեն չեմ զարմանում, երբ ինչ-որ գյուղում առաջին հարցը ոչ թե իրենց վատ ճանապարհի, այլ ինչ-որ քաղաքական հարցի մասին է, սա նորմալ չէ։ Եկեք փոխվենք, ժողովուրդ ջան, ազգիս նյարդը միշտ շատ լարված է, սա ո՛չ նախկինում, ո՛չ հիմա լավ բանի չի բերի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
