Tesla-ն սկսել է արգելափակել իր աշխատակիցների սոցցանցին հասանելիությունը, Blind գործատուների դեմ բողոքների համար, գրում է Verdict-ը:
Նշվում է, որ Tesla-ն աշխատակիցների ավտորիզացիան արգելափակում է կորպորատիվ փոստի միջոցով, ինչի արդյունքում նրանք չեն կարող Blind-ում հաստատել, որ իսկապես աշխատում են ընկերությունում:
Խնդրի մասին հայտնի է դարձել մայիսին: Օգտատերերի մի մասը դա կապում է «ներքին ստուգումների հետ»: Օրինակ՝ Tesla-ի ղեկավարությունը նախազգուշացրել է աշխատակիցներին ընկերության առևտրային տվյալների արտահոսքի անթույլատրելիության մասին:
Ապրիլին Tesla-ն 2019-ի առաջին եռամսյակի հաշվետվություն է ներկայացրել, որի համաձայն՝ ընկերության կորուստները հասել են 702 մլն դոլարի, ինչը կանխատեսումներից զգալիորեն ավելի բարձր է:
Wedbush ներդրումային ընկերության վերլուծաբան Դեն Այվզը, որը հայտնի է Tesla-ի ապագայի վերաբերյալ լավատեսությամբ, ընկերության ներկա վիճակը չափազանց վտանգավոր է համարում:
