4 տարի շարունակ ամեն օր, չեմ չափազանցնում, ամեն Աստծո օր ու գիշեր այս հարթակում (և ոչ միայն) կռիվ եմ տվել ՀՀԿ-ի օրինազանցությունների, մեդիայի կատաստրոֆիկ իշխանամետության, անհատ հասարակական գործիչների` պաթոսի միջոցով մարդկանց աչքերը կապելու և անհատ քաղաքական գործիչների` կեղտը խալու տակ բրդելու դեմ: Բարձրաձայնել եմ յուրաքանչյուր արատավոր հասարակական երևույթ և իշխանական քարոզչամեքենայի ապազգային, հակահայրենական և հակապետական արարք` առանց նայելու, թե ովքեր են դրանց հեղինակները, և թե ինչպես այդ ամենը կարող է վնասել իմ անձնական/սեփական կյանքին: Զուգընթաց, ուժերիս համասեռ նպաստել եմ հեղափոխության ծնունդին` չդադարելով հավատալ դրա հնարավոր հաջողությանը, շարունակելով համոզել մյուսներին:
Հիմա ուշադիր. այս ամենը այն ժամանակ, երբ շա՜տ-շատերը, այդ թվում՝ նաև ներկայիս կոկորդ պատռողները, հանգիստ ու հարմար քնում էին իրենց անկողիններում և հոլիվուդյան ժպիտով լայնատարած ժպտում էին Սերժի ձագերին` քաջ գիտակցելով, որ անում են դա սեփական գրպանին և կենսագրությանը (ռեզյումեին) չվնասելու համար:
Հիմա նորից ուշադիր. այս ամենի հետ մեկտեղ ես ՀԻՄԱ ԴԵՄ ԵՄ ՓԱՇԻՆՅԱՆԻ և «ԻՄ ՔԱՅԼԸ» ԴԱՇԻՆՔԻ ՍՏԱՆՁՆԱԾ ՔԱՂԱՔԱԿԱՆՈՒԹՅԱՆԸ: Դեմ եմ վենդետաներին, դեմ եմ անցյալը փորելուն և մեղավորներին պատժի, ինչպես նաև ատելության արժանացնելուն: ԴԵՄ ԵՄ ԵՐԿԻՐՍ ՆՈՐ և ՉԱՓԱԶԱՆՑ ՎՏԱՆԳԱՎՈՐ ՑՆՑՈՒՄՆԵՐԻ ԴԱՏԱՊԱՐՏԵԼՈՒՆ: Դեմ եմ ստախոս Փաշինյանին, ով շարունակ գոռում էր, որ վենդետաներ չեն լինելու, դեմ եմ բոլոր այն երկերեսանիներին, ովքեր Սերժի օրոք ժպտում էին այս մարդկանց, հիմա պահանջում են նրանց գլուխը սկուտեղի վրա: Սա շատ ավելի սարսափելի քաղաքականություն է, քան ՀՀԿ-ի և դրա հիմնադիրների քաղաքականությունն էր, որովհետև հակառակ կողմը մեր բնակչության զգալի մասն է (շատ ավելի զգալի, քան հեղափոխության ալիքն էր, շատերն իրենց կամքից անկախ էին հայտվել այդ հորձանուտում` սինխրոնիզացվելով համակարգին), և նա ձեռքերը ծալած չի նստելու:
Լուր եմ տալիս գալիք վտանգի մասին: Կոչ եմ անում այլևս ՉՍԱՏԱՐԵԼ և ամեն հնարավոր կերպով դեմ գնալ Փաշինյանին և «Իմ քայլը» դաշինքին: Նորից ու նորից զգոնություն ցուցաբերելու կոչ եմ անում:
Խնդրում եմ հնարավորինս տարածել:
