«Աննա Հակոբյանի գլխավորած City of smile («ժպիտների քաղաք») բարեգործական հիմնադրամը որոշել է փող հավաքել ոչ միայն օլիգարխների գրպանները թափ տալով, այլև կառավարության բուֆետի այցելուներից:
Օրերս կառավարության բուֆետում, որն աշխատեցնում է «Արտ լանչ» ընկերությունը, դրամարկղի մոտ նկատեցինք դրամահավաքի համար նախատեսված փոքր արկղը՝ վրան գրված City of smile, ինչպիսիք կան նաև սուպերմարկետներում, օդանավակայանում և այլուր:
Արկղի վրա երեխայի լուսանկար է, որի վերևում գրված է՝ օգնենք քաղցկեղով հիվանդ երեխաներին: Նկարի կողքին էլ մի քառանիշ թիվ է, որով մարդիկ կարող են SMS ուղարկել՝ դրանով օժանդակելով հիմնադրամին:
Արկղի մեջ շատ քիչ փող կար՝ ընդամենը մի քանի մանրադրամ: Դե, եթե հանգանակությունն անանուն է, և ոչ ոք չի իմանալու, որ վարչապետի տիկնոջ հիմնադրամին փող ես փոխանցում, փոխանցելու իմաստը ո՞րն է»,-գրում է թերթը:
Նյութն ամբողջությամբ կարդացեք թերթի այսօրվա համարում: