Հայաստանի մշտական բնակչությունը շարունակում է նվազել

Panorama.am-ը գրում է.

Հայաստանի մշտական բնակչության թիվը 2019 թվականի ապրիլի  1-ին դրությամբ կազմել է  2 մլն 962.1 հազար մարդ, ինչը 2018 թ-ի ապրիլի 1-ի համեմատ նվազել է 7.8 հազարով։  Այս մասին են վկայում ՀՀ վիճակագրական կոմիտեի հրապարակած տվյալները։ 

Նշենք նաև, որ, ըստ վիճակագրության, 2019թ-ի հունվարի 1-ի դրությամբ ՀՀ բնակչությունը կազմել է  2 մլն  965.3 հազար մարդ, իսկ 2018 թ.-ի հունվարի 1-ին՝ 2 մլն 972.7 հազար։

Վիճակագրության համաձայն՝ այս տարվա ապրիլի 1-ի դրությամբ 1 մլն 893.4 հազ.մարդ ապրում է քաղաքային, 1 մլն 68.7 հազարը՝ գյուղական բնակավայրերում: Մասնավորապես, 1 մլն 81.6 հազար մարդ ապրում է մայրաքաղաք Երևանում: Առավել մեծ թվով բնակչություն ունեն Արմավիրի ու Արարատի մարզերը՝  համապատասխանաբար 263.8 հազար  և 256.6 հազար, ամենաքիչ բնակչությունը Վայոց ձորինն է՝ 48.8 հազար։

2019թ. հունվար-մարտին կենսունակության գործակիցը՝ ծնվածների և մահացածների հարաբերակցությունը, կազմել է 109.1%՝ նախորդ տարվա նույն ժամանակաշրջանում արձանագրված 116.4%-ի համեմատ:

Ամբողջական հոդվածը կարող եք կարդալ այստեղ