Երբ հերթական անգամ անհաջողություն կունենաք, ճակատագրին մեղադրելու փոխարեն մտածեք ձեր սովորությունների մասին։ Երբեմն վնասակար սովորությունները մեր շուրջը ձևավորում են բացասական լիցքերի ֆոն, որն էլ դառնում է անհաջողության պատճառ։
Ո՞ր վատ սովորությունները և արարքները կարող են դառնալ անհաջողության պատճառ։
Անընդհատ վերադառնալ անցյալին
Բավական է քրքրեք անցյալը։ Անցյալը պետք է մնա անցյալում, որպեսզի ձեզ չքաշի ներքև և չխանգարի ձեր զարգացմանը։ Ազատվեք այս բեռից, որպեսզի հեշտ շարժվեք առաջ։
Պիտակավորել
Մարդկանց մի պիտակավորեք և փոխեք ձեր կարծրատիպային մտածելակերպը, քանի որ շրջապատող իրականությունն անընդհատ փոփոխվում է և այն, ինչն այսօր ձեզ սև է թվում, որոշ ժամանակ անց կարող է դառնալ սպիտակ և հակառակը։ Բաց եղեք շփման համար։ Դա մի շարք նոր հնարավորություններ կստեղծի ձեզ համար։
Ամեն ինչ սրտին մոտ ընդունել
Այս սովորությունը վնասում է նյարդային համակարգը և մաշում է սիրտը։ Հաճախ ամեն ինչ սրտին մոտ ընդունող մարդիկ շատ անվճռական են լինում և խոցելի, նրանց շատ հեշտ է շեղել ճիշտ ուղուց և վախ ներշնչել։
Իրադարձությունները դարձնել դրամա
Այս սովորությունը ոչ միայն վնաս է հասցնում ձեր առողջությանը, այլ նաև անհաջողություն է բերում։ Եթե դուք առանց իրավիճակը վերլուծելու սկսում եք մտածել, որ ամեն ինչ կորած է, ապա ճակատագրից մի սպասեք երջանիկ պատահականությունների, քանի որ դուք ձեզ ծրագրավորում եք անհաջողության։ Աշխատեք ինքներդ ձեզ վրա, օգտագործեք հանգստանալու և դրական տրամադրվելու տեխնոլոգիաներ։
