Operativ.am-ը գրում է․
Ապրիլի 29-ին ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողները գրպանահատության մասին օպերատիվ տեղեկություններ են ստացել: Այս մասին տեղեկանցում է ՀՀ ոստիկանության պաշտոնական կայքը։
Դրանց հիման վրա ձեռնարկված օպերատիվ հետախուզական միջոցառումներով ժամը 15:30-ին ոստիկանները գողություն կատարելու կասկածանքով՝ Մաշտոցի 42 հասցեի մոտից բերման են ենթարկել երևանցի 28-ամյա Արմեն Հ.-ին:
Պարզվել է, որ Արմեն Հ.-ը բերման ենթարկվելուց քիչ առաջ, երթուղային ավտոբուսներից մեկում գաղտնի հափշտակել է ուղևորուհիներից մեկի դրամապանակը, որի մեջ եղել էր գումար, վարորդական իրավունքի վկայական, բանկային և այլ քարտեր:
Գողոնը հայտնաբերվել է: Դեպքով նախապատրաստվել են նյութեր: Քննությունը շարունակվում է:
Նյութի աղբյուր՝ https://operativ.am/?p=319839&l=am
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել