Ի՞նչ դիտել այսօր. Նա ծնվեց ծեր և մահացավ մանուկ. Բենջամին Բաթոնի առեղծվածը

Բենջամին Բաթոնի առեղծվածային պատմությունը

The Curious Case of Benjamin Button

Դերերում՝ Բրեդ Փիթ, Քեյթ Բլանշետ, Ջուլիա Օրմոնդ

Տարեթիվ - 2008

Երկիր - ԱՄՆ

Կարգախոս - «Ես ծնվել եմ տարօրինակ պայմաններում»

Ռեժիսոր – Դեվիդ Ֆինչեր

Սցենարիստ – Էրիկ Րոթ, Ռոբին Սուիկորդ, Ֆրենսիս Սկոթ Ֆիցջերալդ

Կոմպոզիտոր – Ալեքսանդր Դեպլա

Ժանր – ֆանտաստիկա, դրամա

Բյուջե - $150.000.000

MPAA ռեյթինգ – 13+

Տևողություն – 166 րոպե

Սա պատմություն է  մի տղամարդու մասին, ով ծնվել է 80 տարեկանում և ապա սկսել երիտասարդանալ: Այս մարդը, ինչպես մեզնից յուրաքանչյուրը, չկարողացավ կանգնեցնել ժամանակը: Նրա ճանապարհը, որ սկիզբ է առնում 1918 թվականին Առաջին համաշխարհայինի վերջին Նոր Օռլեանում, այնքան առեղծվածային է, որ դժվար թե կրկնվի մեկ այլ մարդու կյանքում: Ֆիլմը պատմում է բացառիկ տղամարդու մասին, իրեն հանդիպած մարդկանց և իրադարձությունների մասին, սիրո մասին, որ նա կգտնի և կկորցնի, կյանքի ուրախությունների և կորստի ցավի մասին և այն մասին, թե ինչ է մնում մեզ հետ անկախ ժամանակից:

Ֆիլմը 2009-ին երեք Օսկարի է արժանացել լավագույն դեկորացիաների, վիզուալ էֆեկտների և գրիմի համար:

Նույն թվականին Բրիտանական ակադեմիայի կողմից երեք մրցանակի է արժանացել լավագույն վիզուալ էֆեկտների, նկարչի աշխատանքի և գրիմի ու վարսահարդարման համար:

Հետաքրքիր փաստեր ֆիլմի մասին…

• Սա Փիթի և Ֆինչերի երրորդ համատեղ աշխատանքն է:
• 1990 թվականին Սթիվեն Սպիլբերգը պետք է նկարահաներ ֆիլմը, իսկ Թոմ Քրուզը խաղար գլխավոր դերում:
• Ռեյչել Ուայսը (Rachel Weisz) հրաժարվել է Դեյզիի դերից այլ նախագծերում ծանրաբեռնվածության պատճառով:
• Ֆիլմի հիմքում ընկած է Ֆ. Սկոթ Ֆիցջերալդի փոքրիկ պատմվածքը:
• Նախագծի մշակումը սկսվել է դեռևս 1994 թվականից:
• Նկարահանման պրոցեսը տևել է 150 օր` չհաշված Բրեդ Փիթի երիտասարդացման վիզուալ էֆեկտների ստեղծման վրա ծախսված ժամանակը:
• Ի սկզբանե ֆիլմը պետք է էկրաններ բարձրանար 2008-ի մայիսին:
• 1998 թվականին Ռոն Հովարդը պետք է նկարահաներ ֆիլմը, իսկ Ջոն Տրավոլտան խաղար գլխավոր դերում:
• Բրեդ Փիթի խոսքերով` ինքն օրական հինգ ժամ ծախսում էր դիմահարդարների մոտ, որպեսզի նմանվի իր հերոսին:
• Բենջամինի առագաստանավի անվանումը «Button Up» էր:
• Հնդկաստանի և Կամբոջայի կադրերը նկարահանել է Թարսեմ Սինխը:
• Բութանում արգելված է ֆիլմի ցուցադրությունը:
• Բենջամինի մոտոցիկլը «650cc Triumph T110» է:
• Բենջամին Բաթոնի արտաքին տեսքը մանուկ հասակում (ֆիլմի առաջին հատվածում) հիշեցնում է Հեթչինսոն-Հիլֆորդի հիվանդությունը, որի ժամանակ հիվանդներն իրենց տարիքից մեծ են երևում:
• Ծեր Բենջամին Բաթոնի գլուխն ամբողջովին ստեղծվել է համակարգչի միջոցով:

Կադրեր ֆիլմից՝

Ֆիլմն օնլայն կարող եք դիտել այստեղ: