Սինգապուրում օդային տաքսի կփորձարկեն

Սինգապուրի քաղավիացիայի վարչությունը (CAAS) հայտարարել է, որ 2019-ին ծրագրում է սկսել օդային տաքսիների փորձարկումը, հաղորդում է VOA News-ը։

Նշվում է, որ տաքսին ավտոմեքենայի չափսի թռչող սարքի տեսք կունենա։ Օդային տրանսպորտը կկարողանա 160 կմ/ժ և ավելի արագությամբ ուղևորություններ կատարել՝ հաղթահարելով 30 կմ։

Թռիչքը և վայրէջքն ուղղահայաց ուղղությամբ տեղի կունենան։ Կառավարումը կլինի հեռակառավարմամբ կամ ավտոմատ։

Նշվում է, որ տաքսու յուրաքանչյուր տեղ առանձին կվաճառվի, ինչպես ինքնաթիռում։