Ամերիկացի գիտնականները պարզել են, որ դաբսթեփ ոճի երաժշտական ստեղծագործությունները կարող են պաշտպանել մոծակներից: Միգուցե ոչ բոլորը, բայց «Skrillex»-ի կատարմամբ «Scary Monsters»-ը և «Nice Sprites»-ը միջատները չեն հանդուրժում, նշվում է ԱՄՆ առողջության ազգային ինստիտուտի կայքում հրապարակված զեկույցում:
Փորձերի համար հետազոտողները մոծակներին տեղադրել են երկու տարբեր վերահսկվող տարածքներում, որոնցից մեկում երաժշտություն է հնչել:
Գիտնականներն ուշադրություն են դարձրել սննդի որոնման ընթացքում էգ միջատների դրսևորած վարքագծին:
Պարզվել է, որ դաբսթեփի ազդեցությամբ մոծակների արյան մատակարարումը և սեռական ակտիվությունը նվազել է, ինչի հետևանքով միջատներն ավելի քիչ են հարձակվել մարդկանց վրա, քան հարևան վերահսկվող միջավայրի մոծակները, որտեղ երաժշտություն չէր հնչում:
Գիտնականները կարծում են, որ հետազոտությունը կօգնի նրանց միջատներից պաշտպանվելու նոր ուղիներ մշակել և արդյունքում նվազեցնել դեղին տենդով և մալարիայով վարակվելու դեպքերը:
