72-ամյա բրիտանուհի Փոլին Յանգը, որը 43 տարի շարունակ մերժել է իր ընկերոջը՝ 74-ամյա Քոլին Ջոնսին, վերջապես փոխել է միտքը և խնդրել վերջինիս ամուսնանալ իր հետ:
«Երբ Փոլինն առաջարկություն արեց, քիչ էր մնում՝ մահճակալիցս ընկնեի: Այս բոլոր տարիներին ես էի նրան այդ հարցը տվել և, բնականաբար, «այո» ասացի»,- պատմել է 74-ամյա տղամարդը՝ խոստովանելով, որ վաղուց սիրելիի հետ ամուսնանալու հույսը կորցրել էր:
Զույգն առաջին անգամ հանդիպել է 1976թ.-ին մանկական խաղահրապարակում: Նրանք, համատեղ կյանքից բացի, նաև համատեղ բիզնես ունեն:
Երեք տարի առաջ առողջական խնդիրների պատճառով Փոլինը մեծահասակների խնամքի կենտրոն էր տեղափոխվել: Չնայած մարտահրավերներին՝ նրա կողակիցը շարունակել է զբաղվել համատեղ բիզնեսով և երկու շաբաթը մեկ այցելել է կնոջը: Այցերից մեկի ժամանակ էլ Փոլինը տղամարդուն ամուսնության առաջարկ է արել:
Հարսանեկան համեստ արարողությունը տեղի է ունեցել փետրվարի 14-ին՝ սիրահարների հովանավոր սուրբ Վալենտինի օրը: Այդ օրը սիրեցյալնեը հագել են իրենց լավագույն հագուստները, իսկ Փոլինի անվասայլակը զարդարված է եղել ծաղիկներով:
