Երեխայի ծնունդը միշտ էլ սպասված է ցանկացած ընտանիքում: Ալեքսանդրա Կինովան արդեն 1 տղա ուներ, երբ տեղեկացավ երկրորդ հղիության մասին: Բժիշկները զույգին ասացին, որ նրանք մեկից ավելի երեխայի են սպասում, բայց թե որքան, ոչ ոք չէր գուշակում:
Նրանց երկուսի ընտանիքում էլ զույգեր եղել են, և իհարկե, զույգը գուշակում էր, որ այս անգամ երկվորյակի են սպասում՝ շարունակելով ավանդույթները:
Նրանք հոգեպես պատրաստ էին, սակայն նրանք չգիտեին, որ խոսքը 2 կամ 3 երեխայի մասին չէ:
Երկրորդ անգամ հետազոտվելուց հետո բժիշկն Ալեքսանդրային ասաց երեխաների քանակը:
Հետազոտությունը պարզեց, որ Ալեքսանդրան քառյակի է սպասում, սակայն մի քանի ամիս անց պարզվեց, որ երեխաները ոչ թե 4-ն են, այլ հինգը:
Երեխաների լույս աշխարհ գալու ժամանակ բժիշկը հոգ էր տարել ամեն ինչի մասին, այդ իսկ պատճառով անձնակազմից ավելի քան 40 մարդ կար:
Լույս աշխարհ եկան 4 տղա և 1 աղջիկ: Նրանց անվանեցին՝ Դանիել, Մայքլ, Ալեքս և Մարտին, իսկ աղջկան՝ Թերեզա:
Սա Չեխիայում առաջին դեպքն է, երբ առանց բժշկական միջամտության լույս աշխարհ է եկել 5 երեխա:
Չեխիայում 480 տարին մեկ անգամ է միանգամից լույս աշխարհ գալիս 5 երեխա:
Կառավարությունն ընտանիքին տուն է նվիրել, իսկ մնացած բնակիչներն օգնում են թե՛ գումարով, թե՛ հագուստով: