Armsport.am-ը գրում է.
Ռուսաստանի Պրեմիեր լիգայի նախագահ և Ռուսաստանի ֆուտբոլային միության նախագահի ժամանակավոր պաշտոնակատար Սերգեյ Պրյադկինը հայտարարել է, որ ղազախստանցի ֆուտբոլիստները, ինչպես նաև հայերը մոտ ժամանակներս կարող են դադարել Ռուսաստանի առաջնությունում լեգեոներ համարվելուց:
Ավելի վաղ Ռուսաստանի սպորտի նախարար Պավել Կոլոբկովը հայտարարել էր, որ հաջորդ մրցաշրջանից բելառուս ֆուտբոլիստները լեգեոներ չեն համարվի ՌՖՊԼ-ում:
«Ինչ վերաբերում է բելառուս լեգեոներների մասին որոշմանը, ապա կա հստակ ձևակերպում. նրանք, ովքեր իրավունք չունեն խաղալու Բելառուսի ազգային հավաքականում, համարվելու են լեգեոներ, իսկ նրանք, ովքեր ունեն իրավունք, չեն համարվելու:
Մենք պաշտպանել ենք մեր ակումբների շահերը, ձևակերպումը, որ մենք գրել ենք, կոշտ է: Կարող եմ ասել, որ բելառուս ֆուտբոլիստների մեծ հոսք մեր առաջնություն չի լինի:
Կարելի՞ է արդյոք սպասել, որ Բելառուսից հետո նույնը կլինի նաև Ղազախստանի ու Հայաստանի հետ: Կարելի է», – Պրյադկինի խոսքերն է մեջբերել Championat.com-ը:
