Բորբոքումն օրգանիզմի պաշտպանողական հակազդեցությունն է վնասակար ազդակներին: Բորբոքումը կարող է սուր և քրոնիկական լինել: Վերջինս հանգեցնում է հյուսվածքների փոփոխության, որոնք գտնվում են բորբոքման հատվածում:
Օրգանիզմում բորբոքային գործընթացների մասին վկայում են հետևյալ նշանները.
- կարմրածություն,
- այտուց, որը շոշափելիս ջերմություն եք զգում,
- ցավ,
- շարժունակության սահմանափակում (այս ախտանշանն առավել արտահայտված է հոդի բորբոքման դեպքում),
- մարմնի այն հատվածի աշխատանքի խանգարում, ուր բորբոքային գործընթացներ են զարգացել:
Քրոնիկական բորբոքման դեպքում կարող են նկատվել նաև հետևյալ ախտանշանները.
- հոգնածություն,
- խոցեր բերանում,
- ցավ կրծքավանդակում,
- ցավ որովայնում,
- տենդ,
- ցան:
Յուրաքանչյուր բորբոքային գործընթաց առանձնահատուկ մոտեցում է պահանջում: Հարկավոր է դիմել մասնագետի բժշկական օգնություն ստանալու համար:
Եթե արդեն իսկ քրոնիկական բորբոքային հիվանդություն է ախտորոշվել, անհրաժեշտ է հետևել հիվանդութան ընթացքին, պարբերաբար այցելել բուժող բժշկին և կատարել նրա ցուցումները:
Օրգանիզմում բորբոքման դեպքում կարող են օգտակար լինել իմբիրը, քրքումը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
