Կոֆեինը կախվածություն է առաջացնում
Սա այդքան էլ ճիշտ չէ։ Համեղ սուրճին իրոք հնարավոր է սովորել, սակայն դա կախվածություն անվանել չի կարելի։
Կոֆեինն ընդհանրապես չի սպառնում ձեր ֆիզիկական, էմոցիոնալ և սոցիալական առողջությանը, ինչպես դա անում են թմրանյութերը, անգամ ամենաթույլերը, ասենք՝ ծխախոտը։
Եթե դուք որոշեք հրաժարվել սուրճից, ամենայն հավանականությամբ ձեր օրգանզիմը չի զգա դա։ Միայն որոշ դեպքերում (եթե օրական խմում եք 2 բաժակից ավել) կարող են առաջանալ որոշ տհաճ զգացողություններ․
- Գլխացավ,
- Հոգնածություն,
- Տագնապ,
- Նյարդայնացում
- Վատ տրամադրություն,
- Կենտրոնացվածության դժվարացում։
Սակայն այս նշաններն այդքան էլ արտահայտիչ չեն լինի և դժվար թե մեկ-երկու օրից ավել տևեն։
Միայն սուրճի մեջ կոֆեին կա
Կոֆեին կարելի է հանդիպել տարբեր մթերքների և ըմպելիքների մեջ։ Ահա դրանց ոչ ամբողջական ցանկը․
- Թեյ՝ սև, կանաչ, պուեռ, մատե,
- Կակաո,
- Էներգետիկ ըմպելիքներ,
- Գազավորված ըմպելիքներ,
- Սրճային պաղպաղակ,
- Սրճային յոգուրտ,
- Շոկոլադ,
- Որոշ դեղամիջոցներ։
Այս ցանկից յուրաքանչյուր մթերք ունի կոֆեինի իր չափաքանակը՝ ինչ-որ տեղ շատ, ինչ-որ տեղ էլ քիչ։
Կոֆեինը կարող է անքնություն առաջացնել
Եթե դուք սուրճը խմում եք օրվա առաջին կեսին, ապա դա բացառվում է։ Կոֆեինն օրգանիզմից դուրս է գալիս շատ արագ․ 8-10 ժամ անց արյան մեջ մնում է 25%-ից քիչ կոֆեին, որը շատ քիչ է անքնություն առաջացնելու համար։
Ինչ վերաբերում է օրվա երկրորդ կեսին խմած սուրճին, կարևոր դեր ունի ըմպելիքի թնդությունը։ Օրինակ՝ 30 գրամանոց էսպրեսսոյի բաժակում մոտավորապես 60 մգ կոֆեին կա, իսկ ահա ռոբուստայի միջին չափի բաժակում կարող է լինել մինչև 200 մգ կոֆեին, այնպես որ, այս ըմպելիքից հետո չքնելու հավանականությունը մեծանում է։
Շատ բան է կախված նաև կոֆեինի հանդեպ ձեր զգայունությունից։ Մարդկանց մեծ մասը քնելուց 5-6 ժամ առաջ սուրճ խմելուց հետո շատ լավ կարողանում է քնել։ Սակայն որոշ մարդիկ նյութափոխանակության որոշ առանձնահատկությունների պատճառով ավելի զգայուն են կոֆեինի հանդեպ։
Կոֆեինը կարող է ուռուցքային հիվանդության պատճառ դառնալ
Իսկ ահա սա իրոք միֆ է։ Բազում հետազոտություններից և ոչ մեկը չի կարողացել կապ հաստատել կոֆեինի օգտագործման և ուռուցքի ցանկացած տեսակի զարգացման միջև։ Փոխարենը կան մի շարք լուրջ հիմքեր՝ կարծելու, որ սուրճը նվազեցնում է որոշ ուռուցքային հիվանդությունների առաջացման հավանականությունը։
