Ռուսաստանի Դաշնության մայրաքաղաք Մոսկվայում 1 մլրդ ռուբլիով վաճառքի է հանվել երկրի ամենաթանկարժեք բնակարանը: Պենտհաուսը կառուցվել է հայկական ծագումով մոսկվաբնակ հայտնի ճարտարապետ Յուրի Գրիգորյանի նախագծով:
Այն գտնվում է 6 հարկանի տան 6-րդ հարկում, ունի 6 սենյակ, իսկ ընդհանուր մակերեսը 660 քառակուսի մետր է: «Վեց» թվի կրկնության պատճառով բնակարանը «սատանայական» են անվանել: Այս մասին նշվում է անշարժ գույքի առքուվաճառքով զբաղվող հարթակում հայտնված բնակարանի նկարագրության մեջ:
Բնակարանի պատուհաններից գեղեցիկ տեսարան է բացվում դեպի Զաչատևսկի վանք, Փրկչի տաճար և Մոսկվա գետ:
Ճարտարապետ Յուրի Գրիգորյանը սովորել է Մոսկվայի ճարտարապետության ինստիտուտում, 1999թ.-ին գործընկերոջ հետ հիմնել է «Մեգանոմ նախագիծ» ճարտարապետական բյուրոն: Այժմ «Սկոլկովո» նորարարական կենտրոնի քաղաքաշինության խորհրդի անդամ է: