Մայքլ Ջեքսոնի մասին ֆիլմի ռեժիսորը արձագանքել է երգչի ազգականների մեղադրանքներին

«Լքելով Նեվերլենդը» սկանդալային ֆիլմի ռեժիսոր Դեն Ռիդը արձագանքել է այն մեղադրանքներին, որոնք նրա հասցեին հնչեցրել են Մայքլ Ջեքսոնի հարազատները: Վավերագրական ֆիլմում ներկայացվում է, թե ինչպես է Ջեքսոնը «գայթակղել» անչափահասներին ու նրանց նկատմամբ «անբարո գործողություններ» թույլ տվել: Երգչի ազգականները ռեժիսորին մեղադրել էին փաստերն աղավաղելու մեջ:

 

Դեն Ռիդը Ջեքսոնի հարազատների վարքը պայմանավորել է ֆինանսական գործոնով: Նա հիշեցրել է, որ երգչի յուրաքանչյուր երգի կատարումից նրա ազգականները մեծ հոնորարներ են ստանում և ցանկանում են պաշտպանել իրենց ֆինանսական իրավունքները, իսկ ինքը ֆիլմում պարզապես կյանքի մի բարդ պատմություն է ներկայացրել: