Ծանրամարտի Եվրոպայի Մ23 տարեկանների առաջնության ոսկե մեդալակիր, 81 կգ քաշային Անդրանիկ Կարապետյանը օրերս մասնակցել է Դոհայում կայացած «Քաթարի գավաթ» միջազգային վարկանշային մրցաշարին և զբաղեցրել երրորդ հորիզոնականը:

Հայ ծանրորդը երկամարտում գրանցել է 341 կգ (161 կգ + 180 կգ) արդյունք և արժանացել բրոնզե մեդալի:

Այսպիսով, Կարապետյանն օլիմպիական միավորներ է վաստակել:

Դոհայի մրցաշարը հայ ծանրորդների համար վերջինն էր ավարտվող տարում: 2019 թվականի գարնանը ծանրամարտի Հայաստանի հավաքականը Վրաստանի Բաթումի քաղաքում կմասնակցի Եվրոպայի առաջնությանը:

Հիշեցնենք` նոյեմբերին Անդրանիկ Կարապետյանն աշխարհի առաջնությունում 0 էր ստացել պոկում վարժությունում ու չէր մասնակցել նաև հրում վարժությանը:

Հայ ծանրորդի մոտ զգացնել էր տվել նախկին վնասվածքը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել