Հայկական Չարդախլու գյուղից, որն այսօր անվանում են Խաչիսար, 1250 մարդ է առաջնագիծ գնացել Մեծ հայրենական պատերազմի ժամանակ։ Գյուղի բնակիչներից երկուսը՝ Համազասպ Բաբաջանյանն ու Հովհաննես Բաղրամյանը, մարշալներ դարձան, տասներկու մարդ՝ գեներալներ, իսկ յոթը՝ Խորհրդային Միության հերոսներ։
Լուսանկարում՝ ձախից աջ.
Արտեմ Միկոյան՝ աշխարհահռչակ ավիակոնստրուկտոր, ինժեներատեխնիկական ծառայության գեներալ-գնդապետ, ՄԻԳ ռազմական օդանավերի ստեղծողը։
Համազասպ Բաբաջանյան՝ խորհրդային զորահրամանատար, զրահատանկային զորքերի գլխավոր հրամանատար, Խորհրդային Միության հերոս։
Հովհաննես Բաղրամյան՝ խորհրդային զորահրամանատար, Խորհրդային Միության երկակի հերոս, Խորհրդային Միության մարշալ։
Համացանցի տարբեր աղբյուրներում հիմնականում նշվում է, որ այս լուսանկարն արվել է երեքի համար էլ հարազատ Չարդախլու գյուղում, սակայն Արտեմ Միկոյանի, ինչպես նաև նրա եղբոր՝ Անաստաս Միկոյանի ծննդավայրը Սանահին գյուղն է։ Այժմ այս գյուղը մտնում է Ալավերդի քաղաքի կազմի մեջ։
1987-ից ի վեր Չարդախլուի բնակիչները սկսեցին լքել գյուղը՝ փաստացիորեն դառնալով Ղարաբաղյան պատերազմի առաջին փախստականները։
Հայտնի են գյուղում ծնված բոլոր այն ռազմիկների անունները, որոնք գեներալի կոչում են ստացել.
