Քանի որ մոտենում է Սեւ ուրբաթը, եւ մեծ զեղչեր, ապա նաեւ ակտիվացել են կիբեր հանցագործները։
Այս պահին սցենարն այսպիսին է։
ա․ Ստեղծվում է կեղծ կայք, որը նմանակում է հայտնի բրենդները։
բ․ Ֆեյսբուքով այն գովազդվում է ձեզ, առաջարկվում են աննման զեղչեր։
գ․ Դուք խաբվում եք, գնում եք կատարում։

Լավագույն դեպքում կորցնում եք գնման գումարը։ Վատագույն․ քարտից էլի գումար են տանում։

Ի՞նչ անել

ա․ Մեծ զեղչերի դեպքում մտահոգվում եք։
բ․ Ուշադիր նայում եք հասցեին ու մի հատ գուգլում տվյալ բրենդի անունը․ հաստատ ուրիշ կայք կգտնեք, որն իրական է։
գ․ Եթե բրենդային խանութ չէ, պարզապես լավ էժան է, կամ ամեն դեպքում կայքը ստուգում եք Scamadviser-ում։



Հին, վատ կայքերի դեպքում դուք ստանում եք զգուշացում, որ չօգտվեք դրանից։ Բայց հիմա հիմնականում կայքեր են, որոնք չեն հասցրել ուսումնասիրվել մասնագետների կողմից։ Այդ դեպքում ձեզ պետք է մտահոգի կայքի թարմությունը։ Այս պահին այդ ծուղակային կայքերի կյանքի տեւողությունը մաքսիմում երկու-երեք շաբաթ է։ Եթե տեսնում եք, որ լրիվ նոր կայք է, հաստատ անցնում եք կողքով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել