Armenpress.am-ը գրում է.
Եվրասիական տնտեսական հանձնաժողովի կոլեգիայի նախագահ Տիգրան Սարգսյանը նոյեմբերի 19-ին Բանգկոկում Թաիլանդի վարչապետ Չան-Օչա Պրայուտի հետ քննարկել է համագործակցության հեռանկարները:
Ինչպես հաղորդում է «Արմենպրես»-ը, նախքան հանդիպումը ԵՏՀ և Թաիլանդի միջև ստորագրվել է համագործակցության մասին հուշագիր:
«Վերջին տարիներին մենք հետևում ենք ԵԱՏՄ և Թաիլանդի միջև առևտրաշրջանառության առարկայական աճին: 2017 թվականին այն աճել է 26 տոկոսով, իսկ 2018 թվականի հունվար-օգոստոս ամիսներին՝ գրեթե 29 տոկոսով՝ համեմատած նախորդ տարվա նույն ժամանակահատվածի հետ: Վստահ եմ, որ հուշագրի ստորագրումը նոր խթան կհաղորդի առևտրի զարգացմանը և կնպաստի փոխգործակցության հետագա խորացման ողջ ներուժի բացահայտմանը»,- հայտարարել է Տիգրան Սարգսյանը:
Նյութի աղբյուր՝ https://armenpress.am/arm/news/955078.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել