25-ամյա Ժասմինա Դենիելը 2006թ.֊ից զբաղվում է դիմահարդարմամբ։ Այսօր նրա շուրթերի մասին խոսում է ողջ համացանցը։

Ժասմինան իրական նկարչուհի է, սակայն կտավի փոխարեն նախընտրում է նկարել շուրթերի վրա։

Նա շուրթերի վրա արվեստի գործեր է ստեղծում։ Հիմնականում դրանք շատ բարդ և մանրակրկիտ նկարներ են։ Այսօր նա արդեն 1 միլիոնից ավելի հետևորդ ունի։

Աղջիկը հայտնի դարձավ նրանով, որ շուրթերի վրա պատկերում էր հայտնի ֆիլմերից կադրեր, հայտնի մարդկանց պատկերներ։

Այս պատմությունն իրականում ոչ այնքան լավ սկիզբ ունի։ Ժասմինան 2006թ. իմացավ, որ գլխուղեղի քաղցկեղ ունի։ Նա ստիպված էր ամբողջ ժամանակ տանը մնալ, դուրս գալ չէր կարողանում։ Միակ բանը, որ նրան ուրախացնում էր, արվեստն էր։

Ժամանակի ընթացքում Ժասմինան կտավներից անցավ դիմահարդարման։ Նա սկսեց կուրսերի գնալ, հմտանալ գործում։

Հենց այդ ժամանակ էր, որ նրան վիրահատեցին։ Նա հանգստանում էր շուրթերի վրա նկարելով, այդ զբաղմունքը շեղում էր նրան հիվանդությունից։

Այսօր արդեն Ժասմինայի նկարները բարդացել են։ Դրանք շատ մանրակրկիտ աշխատանք են պահանջում։ Նա ժամերով կարող է մի պատկեր նկարել, մինչև նկարն իդեալական ստացվի։

Շատ դեպքերում Ժասմինան ոգեշնչվում է Դիսնեյի մուլտֆիլմերից, ինչպես, օրինակ, այս դեպքում․

Ժասմինան նշում է, որ սկզբնական շրջանում մարդիկ չէին հասկանում նրա արվեստը, ասում էին, որ ժամանակի անիմաստ կորուստ էՈրոշ աշխատանքներում նա, բացի շուրթերից, ներառում է նաև եղունգները՝ լիարժեք արդյունքի հասնելու համար։

 Տեսեք և գնահատեք Ժասմինայի աշխատանքները։ Դրանք ուղղակի արվեստի գլուխգործոցներ են։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել