Չեխիայի վարչապետ Անդրեյ Բաբիշը առաջարկել է վերականգնել գրող Միլան Կունդերայի քաղաքացիությունը: Այս մասին հաղորդում է The Guardian-ը:
Բաբիշը հանգստյան օրերին Փարիզում հանդիպել է արձակագրին և նրա կնոջը:
«Ինձ համար մեծ պատիվ էր»,-նշել է քաղաքական գործիչը՝ գրողին «չեխական, ֆրանսիական և համաշխարհային գրականության լեգենդ» անվանելով:
«Ես կարծում եմ, որ նրանք արժանի են Չեխիայի քաղաքացիության, որը կորցրել են արտագաղթից հետո»,-ասել է վարչապետը՝ նկատի ուենալով գրողին և նրա տիկնոջը:
1979-ին Չեխսլովակիայի Սոցիալիստական Հանրապետության իշխանությունները քաղաքացիությունից զրկել են Կունդերային, որը 1975-ին Ֆրանսիա է արտագաղթել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել