Գլազգոյում ԱՄՆ քաղցկեղի ազգային հետազոտությունների ինստիտուտի կազմակերպած կոնֆերանսում Մեծ Բրիտանիայի Trasta ազգային ծառայության հետազոտողները պատմել են, որ վերջին 30 տարում տղամարդիկ սկսել են ավելի հաճախ մահանալ մաշկի քաղցկեղից, այն դեպքում, երբ տարբեր երկրներում կանանց մահացության թիվը մնացել է նույնը կամ նվազել է:

Հետազոտողները մաշկի քաղցկեղի հետևանքով գրանցված մահերի տվյալներ են հավաքել Եվրոպայի 33 երկրներից, Հյուսիսային Ամերիկայից և Ավստրալիայից, որի վերլուծությունից պարզվել է, որ վերջին 30 տարում մահերի թիվը աճել է միայն տղամարդկանց հաշվին:

Մաշկի քաղցկեղի հետևանքով տղամարդկանց մահացության առաջատարը Ավստրալիան է: Նրան հաջորդում են Սլովենիան, Սլովակիան և Խորվաթիան: Մաշկի քաղցկեղից տղամարդիկ ավելի հազվադեպ են մահանում Ճապոնիայում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել