Գիտնականները պարզել են, թե ինչպես կարելի է ակտիվացնել մազերի աճը:
Մադրիդի Spanish National Cancer Research Centre-ի (Իսպանիայի առաջատար ուռուցքաբանական հետազոտական կենտրոն) գիտնականները փորձարկումն անցկացրել են մկների վրա. բացահայտումն արվել է պատահաբար:
Պարզվել է, որ մկների ստացած հակաբորբոքային պրեպարատները նպաստել են նրանց մազածածկույթի վերականգնմանը:
Հետագա հետազոտությունների ժամանակ պարզվել է, որ իմունային համակարգի բջիջները խթանել են հարևանությամբ գտնվող ցողունային բջիջների աշխատանքը, ինչն էլ մկների մոտ հանգեցրել է մորթու վերականգնման:
Իմունային համակարգի բջիջների ու ցողունային բջիջների փոխգործակցության մեխանիզմը կարող է լույս սփռել ճաղատության հետ կապված խնդիրների վրա:
Այսպիսով՝ հաջողության դեպքում կարելի է ակնկալել, որ 5-10 տարի անց ի հայտ կգա մազերի փոխպատվաստման ավելի էժան ու հասարակ մեխանիզմ:
