Armsport.am-ը գրում է.
ՈւԵՖԱ-ն իր պաշտոնական կայքում ներկայացրել է երկրների` Չեմպիոնների լիգայի 2020/21 մրցաշրջանի եզրափակիչն անցկացնելու նախնական հայտերը:
Նման ցանկություն են հայտնել Ռուսաստանն ու Գերմանիան:
Ռուսական կողմը պատրաստ է եվրոպական ակումբային ֆուտբոլի ամենահեղինակավոր մրցաշարի եզրափակչի անցկացման համար տրամադրել «Սանկտ-Պետերբուրգ» ստադիոնում, որտեղ իր տնային հանդիպումներն է անցկացնում «Զենիթը»:
Իսկ գերմանացիներն, իրենց հերթին, կցանկանային այդ խաղն անցկացնել Մյունխենի «Բավարիայի» տնային` «Ալյանց Արենայում»:
Ընդ որում նշվում է, որ կողմերի դրսևորած այս ցանկությունը պաշտոնական հայտ չէ:
Վերջնական հայտերը կձևավորվեն և կներկայացվեն մինչև 2019 թվականի փետրվարի 15-ը, ինչից հետո ՈւԵՖԱ գործադիր կոմիտեն ընդունող կողմին կորոշի հատուկ միջոցառման ընթացքում, որը կկայանա 2019 թվականի մայիսին կամ հունիսին: