Օրական մարդ պետք է քնի 8 ժամ, որպեսզի հանգստանա, բայց կան մարդիկ, ովքեր օրական քնել են 2 կամ 3 ժամ և իրենց բավականին լավ են զգացել։ Ձեր ուշադրությանն ենք ներկայացնում 5 հայտնի մարդկանց, ովքեր շատ քիչ էին քնում։
Հուլիոս Կեսար
Հռոմեացի քաղաքական գործիչ և զորավար Հուլիոս Կեսարը հիմնադրել է Հռոմեական կայսրությունը և ընդմիշտ փոխել է Եվրոպայի մշակույթը։ Նա հաղթանակ է տարել քաղաքացիական պատերազմում և դարձել է Հռոմեական աշխարհի միակ ղեկավարը։
Որպեսզի այս ամենին հասներ, Կեսարն օրական քնում էր 3 ժամ։ Միևնույն ժամանակ ռազմական արշավների պարագայում ևս նա բացառություններ չէր անում, քնում էր քիչ և իր զինվորների կողքին։
Լեոնարդո դա Վինչի
Հայտնի նկարիչը քնում էր օրական 15-20 րոպե՝ յուրաքանչյուր 4 ժամը մեկ։ Ընդհանուր նա քնում էր 2 ժամ։ Մնացած 22 ժամը Լեոնարդոն աշխատում էր։
Այսօր քնի այս ձևը կոչվում է «բազմափուլ քուն»։ Համարվում է, որ քնի այս մեթոդը թույլ է տալիս առույգ մնալ օրական 20-22 ժամ։ Այս մեթոդը բազմաթիվ հետևորդներ ունի, սակայն նրանց մեջ այդպես էլ երկրորդ դա Վինչի չծնվեց։
Բենջամին Ֆրանկլին
Նա հայտնի քաղաքական գործիչ էր, դիվանագետ և գիտնական։ Նա ստորագրել է ԱՄՆ անկախության դեկլարացիայի, Սահմանադրության և Վերսալյան համերաշխության պայմանագրի տակ, իսկ նրա դիմանկարը զարդարում է 100 դոլարանոց թղթադրամը։
Նրա կարծիքով՝ ցանկացած լավից պետք է քիչ լինի, իսկ քունն, անկասկած, լավ բան է։ Բացի դրանից՝ նա ուներ օրվա կարգացուցակ, որին խստորեն հետևում էր, իսկ քնի համար նա հատկացնում էր 4 ժամ։
Նապոլեոն I Բոնապարտ
Շատերն են լսել նրա այս աֆորիզմ․ «Նապոլեոնը քնում է 4 ժամ, ծերերը՝ 5, զինվորականները՝ 6, կանայք՝ 7, տղամարդիկ՝ 8, իսկ 9 ժամ քնում են միայն հիվանդները»։ Իրականում Նապոլեոնը քնելու էր գնում կեսգիշերին և արթնանում էր գիշերվա ժամը 2-ին։ Նա արթնանում էր, աշխատում մինչև ժամը 5-ը և նորից քնում։ Արդյունքում նա քնում էր 4 ժամ։
Միևնույն ժամանակ պատմաբանները նշում են, որ մշտական սթրեսի պատճառով նա հաճախ էր տանջվում և ընդհանրապես չէր կարողանում քնել։ Շատերը նրա մարտավարական պարտությունների պատճառը համարում են հենց այս անքնությունը։
Հետաքրքիր է, որ Սուրբ Ելենա կղզի արտաքսվելուց հետո նա սկսել էր երկար քնել և ուշ արթնանալ։
Թովմաս Ջեֆերսոն
Ջեֆերսոնը քնում էր օրական 2 ժամ։ Նա ոչ մի կարգացուցակ չուներ, միշը քնում էր տարբեր ժամերի, քնելուց առաջ պարտադիր կարդում էր և արթնանում էր արեգակի առաջին ճառագայթների հետ։
