Վրաստանը պատրաստ է Ադրբեջանի եւ Թուրքիայի հետ նոր խոշոր ծրագրեր իրականացնել։ Այդ մասին իր ադրբեջանցի եւ թուրք գործընկերներ Էլմար Մամեդյարովի եւ Մեվլյութ Չավուշօղլուի հետ համատեղ մամուլի ասուլիսում ասել է Վրաստանի ԱԳ նախարար Դավիթ Զալկալիանին՝ տեղեկացնում է Անադոլուն։
Նրա խոսքերով՝ երեք երկրների դիվանագիտության ղեկավարների բանակցությունների ընթացքում նշված հարցի վերաբերյալ կարեւոր որոշումներ են ընդունվել։ Նախարարը նշել է, որ իրենք ակտիվորեն աշխատում են ռազմավարական բնույթի նոր ծրագրերի նախապատրաստման ուղղությամբ։
Ըստ Զալկալիանիի՝ Թբիլիսիի, Անկարայի եւ Բաքվի համագործակցության առաջնահերթություններից մեկը զբոսաշրջության ոլորտն է։ «Այսօրվա բանակցությունների արդյունքներով մենք ստորագրել ենք Ստամբուլյան հռչակագիրը։ Բացի այդ, տեղի է ունեցել 2017-2019թթ հատվածական համագործակցության գործողությունների պլանի շուրջ մտքերի փոխանակություն»,- ասել է նախարարը։
Էլմար Մամեդյարովը Թուրքիային շնորհակալություն է հայտնել միջազգային ասպարեզում աջակցության համար։ Չավուշօղլուն նշել է, որ Թուրքիան Վրաստանի եւ Ադրբեջանի «տարածքային ամբողջականության» կողմնակից է բոլոր հարթակներում եւ ցանկացած պայմաններում։ Նա հիշեցրել է, որ Էսկիշեխիրում ավելի վաղ տեղի էր ունեցել Տրանսանատոլիական գազատարի գործարկման արարողությունը՝ Թուրքիայի, Ադրբեջանի եւ Վրաստանի ներկայացուցիչների մասնակցությամբ։
Ադրբեջանը և Թուրքիան Վրաստանի խոշորագույն ներդրողներն ու առևտրային գործընկերներն են:
Թուրք-ադրբեջանական ներդրումները վրացական տնտեսության մեջ նաև քաղաքական լծակներ, ազդեցություն ստեղծելու նախապայման են՝ադրբեջանական ներդրումները տրանսպորտային՝Կարս-Թբիլիսի-Բաքու երկաթգծի վրացական հատվածը կառուցվել է ադրբեջանական վարկով, էներգետիկ՝Բաքու-Թբիլիսի-Ջեյհան, Բաքու-Թբիլիսի-Էրզրում, TANAP և այլ նախագծեր, Ադրբեջան-Վրաստան-Թուրքիա՝էներգետիկ կամրջի նախագծերը հագեցնում ու հարստացնում են Թբիլիսի-Բաքու, Բաքու-Թբիլիսի-Անկարա հարաբերությունների օրակարգը:
Վրաստանում բնակվում է կես միլիոնի հասնող ադրբեջանական համայնքը, որը Բաքվի կողմից ազդեցության՝այս անգամ դեմոգրաֆիկ ազդեցության լծակ է: Ադրբեջանական իշխանությունները ներդրումներ են կատարում ադրբեջանաբնակ շրջաններոմ՝Քվեմո-Քարթլի և այլն, որպեսզի տեղի ադրբեջանցիները չարտագաղթեն, բնակվեն Վրաստանում, հետադարձ կապ պահպանեն Ադրբեջանի հետ՝կառուցվում են մզկիթներ, որպեսզի այդ բնակչության մեջ պահպանվի թյուրքական, իսլամական գաղափարախոսությունը, որն անհրաժեշտ պահին օգտագործվելու է թե տեղի հայերի դեմ՝Քվեմո-Քարթլիում կան նաև հայաբնակ գյուղեր կան, այնպես էլ ՀՀ-ի դեմ՝ադրբեջանաբնակ շրջանները սահմանակից են ՀՀ Լոռու ու Տավուշի մարզերին:
Վրաստանի բնակչությունը ծերանում է՝վրացիների մոտ ժողովրդագրական ճգնաժամ է, որը շուտով աղետի է վերածվելու: Թուրք-ադրբեջանական տանդեմն այդ ժամանակ օգտագործելու է թե արտագաղթը Ջավախքից՝այնտեղ թուրք-մեսխեթցիներ, մահմեդական աջարացիների, շինարարների անվան տակ ադրբեջանցիներ ու թուրքեր բնակեցնելով(Կարս-Թբիլիսի-Բաքու երկաթգծի շինարարությամբ հիմնականում զբաղվում են ադրբեջանցիները, շուտով ՀԷԿ-րի կառուցման ծրագրեր են կյանքի կոչվելու) բնակեցնելով, ինչի հետևանքով ՀՀ-ի հյուսիսային սահմանների երկայնքով՝Աջարիայից, դեմոգրաֆիկ դեմքի փոփոխությունից հետո Ջավախքով մինչև ադրբեջանաբնակ Քվեմո-Քարթլի ձգվելու է թյուրքական-մահմեդական առանցքը, այսինքն, ՀՀ-ի հյուսիսային դե-յուրե ՝հայ-վրացական սահմանը դե-ֆակտո վերածվելու է հայ-ադրբեջանա-թուրքական սահմանի:
