Պատմության մեջ առաջին անգամ գիտնականները Իսրայելի Աշքելոն քաղաքում ֆիլիստիմցիների` աստվածաշնչյան ժողովրդի գերեզման են հայտնաբերել, որոնք կռվել են իսրայելցիների դեմ, փոխանցում է «ՌԻԱ Նովոստի»-ն:
«Այս բացահայտմամբ մենք մոտ ենք նրանց ծագման գաղտնիքին»,- ասել է պեղումների ղեկավարներից պրոֆեսոր Դենիել Մասթերը:
Բացահայտումն արվել է երեք տարի առաջ, սակայն մինչ օրս գաղտնի էր պահվում` ուլտրաօրթոդոքս հրեաների բողոքից խուսափելու պատճառով, որոնք պեղավայրի մերձակայքում բազմիցս հանրահավաքներ են կազմակերպել: Նրանց կարծիքով` գերեզմանները հին հուդդայականներին են պատկանում, իսկ կրոնն արգելում է դրանք պեղել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
