Մի խումբ կանադացի բժիշկներ հաջորդ ամսից նոր դեղատոմս կգրեն՝ թանգարաններ այցելելը: Մոնրեալի նրբագեղ արվեստների թանգարանը և Մոնրեալի բժիշկների ակադեմիան նոյեմբերի 1-ից հիվանդների բուժման համար նոր փորձնական միջոց են սկսում:

Նախաձեռնության հեղինակ բժիշկներից մեկի խոսքով՝ թանգարաններ այցելությունը կարող է օգտակար լինել հոգեկան և մարսողական համակարգի հիվանդություններով տառապող մարդկանց համար: Այն դրական կարող է ազդել նաև շաքարախտով տառապողների, բարձր ճնշում ունեցողների, ինչպես նաև պալիատիվ օգնության կարիք ունեցողների վրա:

Գիտափորձի շրջանակում ասոցացիայի անդամները հիսուն այդպիսի դեղատոմս կկարողանան գրել, որը թույլ կտա չորս մարդուց բաղկացած ընտանիքին անվճար մտնել Մոնրեալի նրբագեղ արվեստների թանգարան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել