Նիկոլ Փաշինյանը հրապարակավ ստորագրեց ՀՅԴ-ական ու ԲՀԿ-ական նախարարների ազատման հրամանները

«Ես հրահանգել եմ հրամանագիր պատրաստել ՀՅԴ ու ԲՀԿ նախարարներին աշխատանքից ազատելու համար, Բաղրամյան պողոտայում հայտարարեց ՀՀ վարչապետ Նիկոլ Փաշինյանը։

Նա ասաց նաև, որ աշխատանքից ազատված են նաև ՀՅԴ-ական ու ԲՀԿ-ական ներկայացուցիչ բոլոր մարզպետները։

Փաշինյանը նախարարների ազատման հրամանները ստորագրեց հենց Բաղրամյան պողոտայում:

Նշենք, որ ներկայիս կառավարությունում ԲՀԿ նախարարներ էին ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը, Արտակարգ իրավիճակների նախարար Հրաչյա Ռոստոմյանը, Սպորտի և երիտասարդության նախարար Լևոն Վահրադյանը։

ՀՀ կառավարության կազմում ՀՅԴ-ից նախարարներ են ՀՀ տնտեսական զարգացման և ներդրումների նախարար Արծվիկ Մինասյանը, ՀՀ գյուղատնտեսության նախարար Արթուր Խաչատրյանը։