Լեհաստանի Սեմյանովիցե Սլյոնսկե քաղաքի հարբած բնակչին դիահերձարան են ուղարկել, սակայն նա գիտակցության է եկել և շարունակել հարբել։
Երեկույթից վերադարձող տղամարդը փողոցում կորցրել է գիտակցությունը։ Անցորդներից մեկը շտապ օգնություն է կանչել, որի աշխատակիցները, նրան մահացած համարելով, դիահերձարան են ուղարկել։
Դիահերձարանի աշխատակիցների ուշադրությունն են գրավել տարօրինակ ձայները, որոնք լսվել են սառցախցիկից։ Բացելով այն՝ աշխատակիցներից մեկը նկատել է, որ «հանգուցյալը հարություն է առել», դողում է ցրտից և ծածկոց խնդրում։
Իսկ տուն գնալու փոխարեն տղամարդը կրկին երեկույթի է գնացել՝ ասելով, որ մեռյալներից հարություն առնելու կապակցությամբ պետք է խմել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել