Ամերիկացի և ճապոնացի գիտնականները պարզել են, որ բույսերը միմյանց կարող են SOS ազդանշաններ փոխանցել։ Science պարբերականում հրապարակված ուսումնասիրության արդյունքները խոսում են այն մասին, որ բույսերը յուրօրինակ նյարդային համակարգ ունեն։

Գիտնականները գիտափորձ են իրականացրել ծնկածաղիկ կոչվող բույսի ուսումնասիրությամբ։ Երբ դրա տերևները կտրել են, նկատել են, որ բույսը փոխում է կալցիումի մակարդակը՝ իր «ընկերներին» վտանգի մասին ազդանշան փոխանցելով։

Այս գործընթացին մասնակցում են նեյրոմեդիատորները՝ նյութեր, որոնց միջոցով այդ ազդակը փոխանցվում է մի նեյրոնից մյուսին։ Գիտնականները ծրագրում են վերահսկել բույսերի ազդանշանային համակարգը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել