Գիտնականների կողմից հրապարակված ուսումնասիրությունները ցույց են տալիս, որ վաղ տարիքում ստելը նպաստում է երեխայի ուղեղի զարգացմանը և աշխատանքին:

Տորոնտոյի համալսարանի գիտնականների ուսումնասիրությունները ցույց են տվել, որ վաղ տարիքից ստելը կարող է հանդիասանալ երեխայի ուղեղի մտածողության զարգացման և աշխատանքի հիմնական գործոնը: Դեռ վաղ տարիքում ստելը նպաստում է ճանաչողական պրոցեսներին՝ դրանով իսկ թույլ տալով, որ երեխան ավելի արագ ճանաչի աշխարհը, գրում է Daily Mail-ը:

Ավելի ճշգրիտ արդյունք ստանալու համար գիտնականները հավաքել են 40 ամսական 42 երեխաների: Երեխաներին բաժանել են երկու խմբի՝ հանձնարարելով նրանց խաղալ պահմտոցի՝ ստելով իրենց ծնողներին և թույլ չտալ իրենց գտնել: Ուսումնասիրության վերջում գիտնականները չափել են ուղեղի գործունեությունը և եզրակացրել, որ ի տարբերություն առաջին խմբի երեխաների, ովքեր չեն ստել իրենց ծնողներին, երկրորդ խմբի երեխաների ուղեղն ավելի ակտիվ է գործունել և հաճելի հորմոնների ավելի կայուն արտադրություն ունեցել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել