168.am-ը գրում է.
Այծեղջյուր: Թեև կենդանակերպի այս նշանի ներկայացուցիչներն առաջին հայացքից հավասարակշռված, համբերատար, հանգիստ են թվում, բազմաթիվ էմոցիաներ ունեն, որոնք կարող են արտահայտվել ցանկացած պահի: Այծեղջյուրներն անկեղծ են, չեն թաքցնում զգացմունքները: Հարաբերություններում կարող են ռոմանտիկ լինել, չափազանց զգայուն և էմոցիոնալ:
Ձկներ: Բոլորից շատ են ցանկանում օգնել մարդկանց, կարևոր չէ՝ ծանո՞թ են նրանց, թե՞ ոչ: Կենդանակերպի այս նշանի ներկայացուցիչները լուրջ ջանքեր են գործադրում՝ ճիշտ խորհուրդներ տալու, սփոփելու, օգնության հասնելու, մարդկանց լսելու համար: Արվեստը Ձկներին օգնում է իրենց հարաբերականորեն անվտանգ զգալ, արտահայտել զգացմունքների ամբողջ ուժն ու խորությունը:
Ցուլ: Ցուլերը ռեալիստ են, բայց նաև զգացմունքային: Բարձրաձայն խոսում են ամենաբարդ, նուրբ հարցերի մասին, գերադասում են բարձրաձայնել ամենը, ինչ զգում են: Կենդանակերպի այս նշանի ներկայացուցիչները մյուսներին թույլ չեն տալիս վերահսկել իրենց, ցանկանում են լինել իրավիճակում, որը հնարավորություն է տալիս առանց սահմանափակումների արտահայտել իրենց զգացմունքները: Հնարավոր է՝ նրանց չափից շատ ջանք են գործադրում՝ փորձելով աշխարհն ավելի լավը դարձնել:
Կույս: Կույսերը երկար ժամանակ են ծախսում՝ մտածելով ամենի մասին, բայց նաև թույլ են տալիս, որ մտքերն ազդեն իրենց վրա: Միշտ ծրագրում են՝ ինչ են պատրաստվում ասել, ինչպիսի ռեակցիա դրսևորել: Ձգտում են մարդկանց հետ ամուր կապ հաստատել: Միշտ կենտրոնանում են շփման խորն ասպեկտների վրա: Անարդարությունն ու հիմարությունը հունից հանում են կենդանակերպի այս նշանի ներկայացուցիչներին: